كرسى الاعتراف..

خلاص و أنا كمان أختار نور(معلهش يا نور معاهم معاهم عليهم عليهم)

كدة يا برنس معاهم معاهم عليهم عليهم

اوكى يا جماعة انا حجاوب


انتظرونــــــــــــــــــــــــــــــــــــــــــــــــــــــــى فى الحلقة القادمة من كرسى الاعتراف

نور انا عاوزك تردى على نفس الاسئلة اللى اتوجهت ليا بالضبط

نور يلا بقى ردى كلنا مستنيينك

حاضر حاضر حرد اهوة

1-اكتر الالوان اللى بحبها فى اللبس الاسود والبنى بدرجاتة

عموما بحب اللون الروز والتوبى

اصعب موقف يوم وفاة جدتى ويوم وفاة محمد عبد الوهاب رحمهم الله

3- حكمتى فى الحياة " الدنيا عبارة عن امل وطموح "

4-اقرب الناس ليا فى المنتدى
بصراحة اقرب حد ليا هو خالد

5-اللى نفسى اشوفهم واتكلم معاهم " خالد والبرنس وتويتى "

انتى فين يا نور

انا عاوز اسئلك سؤال
ايه اول امنيه فى بالك دلوقى حتققيها؟

اول امنية فى بالى دلوقتى " انى ازور المسجد الحرام واشوف الكعبة بجد نفسى تتحقق دلوقتى "

10- لو جرحنى وقالى سامحنى حسامحة طبعا لان كلنا انسان وبنغلط

11-لو معايا تذكرتين اسافر بيهم " حسافر انا وامى نعمل حج "

12-اللى اقولة سامحتك "اى حد زعلنى فى يوم لانى مش بحب ازعل من حد وخصوصا لو حد بحبة جداااااااااااااااااا

13 - اللى اقولة خد بالك عليا " خالد عشان بيعمل حاجات كتير تزعلنى وكمان اخواتى "

14-احلى عضو بيعجبنى ردة مفيش غير البرنس بصراحة

15-لو معايا مليون جنية

* حبنى ملجا للايتام
* حبنى المطعم اللى نفسى فية
* ولو اتبقى حاجة حشارك خالد عشان انا عرفة انة شاطر اوى فى شغلة


اخيرا احب اقول انى بحب كل اعضاء المنتدى جداااااااااااااااااااا

مرسى جدايا نور ونختار عضو تانى

أيوة أنا أرشح مى لكرسى الإعتراف

اوكى مى
1 مى ايه احسن الاماكن اللى تحبى تروحيها؟
2احسن يوم كنتى فرحانه فى وليه؟
3مين اكتر انسان بتحبيه فى الدنيا؟
ايه اكنر حاجه بضيقك؟4
5ايه احسن ميزه فيكى واوحش عيب فيكى

اوكىيا مى وإحنا مستنيين باقى الإجابات

اوكى يا مى
ومستنين باقى الاجابات

اوكش يا ميـــــــــــــوى

يلا يا مى إتأخرتى علينا ليه؟؟؟؟؟

مي هربت ياجماعة

لا ابداً يا جماعة مى متهربش أبداً و أكيد هترد(إوعى تكسفينى يا مى)

بكرة الصمح حتلاقو الاجابة

where are you mai

وانا برشح البرنس لنفس الأسئلة دي





احسن احسن

اوكى يا جماعة أنا هابدأ أرد ع الأسئلة حالاً

و ده القسم أقسم بالله العظيم أن أقول الحق

1-أنا أكتر الألوان اللى بحبها الأخضر العادى أو الأخضر الزمردى بجد جامد و أنا عموماً أغلب درجات الأخضر بتعجبنى.

2-بصراحة و بأمانة مفيش موقف صعب عدى عليا اللى هو يأزمنى و أفضل فاكره يعنى مفيش موقف عدى عليا و مقدرتش إنى أتصرف فيه و أنا بالنسبة لى أى موقف صعب أو مشكلة بتبقى زيها زى غيرها ليها حلول.

3-حكمتى فى الحياة كذا حكمة منهم "حط أهدافك قدامك علطول و ركز فيهم و أكيد هتوصلهم" و "كلمة المستحيل شماعة للفشل"و"الفشل يبدأ بالندم و الحسرة فلا تقع فريسة له" و غيرهم لأن لما بنتكلم عن حكمة فهى أكيد لازم تبقى مستوحاة من خبرة الإنسان فى الحياة و درس مستخلص و مستفاد من أى موقف فى الحياة.

4-و الله السؤال ده إجابته سهلة جداً طبعاً تويتى ست الحبايب و خالد و نور و مى و مسك الجنة و بيكهام و العوو الأهلاوى و كينج و سيكا و وحش البطاطس(بس متنسوش تويتى أول واحدة خلونى اعرف أتسحر الليلة دى).

5-نفسى أتكلم مع نور و الطير الحزين و مى و مسك الجنة و فيه طبعاً خالد انا أصلاً بكلمه علطول غير تويتى و كينج و سيكا و وحش البطاطس.

6-أكيد طبعاً أكتر حاجة نفسى تتحقق فى حياتى هى أهدافى اللى فى دماغى مع إنى طبعاً عارف كويس إن طموح الإنسان يفوق عمره زى ما قال رسولنا الكريم (محمد)لما رسم للصحابة على الرمال مستطيل و عمل خط بادىء من أول المستطيل و خارج و مكمل خارجه و قال للصحابة إن المستطيل حياة الإنسان و الخط هو طموحه و أهدافه.

7-حقيقى السؤال ده متعب لأن إجاباته كتيرة لكن ممكن أدى أمثلة عامة يعنى أحلى خبر عموماً بيكون خبر نجاح فى شغل أوفى مدرسة سواء ليا أو لحد أعرفه يا إما مثلاً خبر فرح أو ولادة كدة يعنى وده ع المستوى الشخصى إنما كمصرى طبعاً أحلى خبر باسمعه لما مصر تجنى أى تقدم فى أى مجال و أسوأ خبر يبقى عكس الأمثلة العامة دى خبر فشل مصيبة كدة و حقيقى مفيش حاجة محددة لأنى فعلاً مبفكرش فى الماضى كتير و لما أبطل تفكير فيه مبحاولش أفتكره تانى و بفكر فى حاجات جديدة.

8-مفيش حد أصلاً هو لو حد على بالى يبقى أكيد حد غالى عليا و الطبيعى إنى أنا كمان أبقى غالى عليه طب إزاى بقى ولا دارى باللى جرالى؟؟؟؟

9-مفيش حد لأن التغيير مطلوب و ده كويس عشان العلاقة بينى و بين أى حد تبقى مظبوطة يعنى أنا لو هاشوف حد كل يوم لا هو هيبقى عايز يشوفنى و لا أنا هابقى عايز أشوفه و هنا المهم كلمة عاوز لأن مش مهم إن إحنا نشوف بعض لكن المهم إن إحنا نبقى عاوزين نشوف بعض.

10-هنا تختلف نوعية الجرح يعنى مش واحد هييجى يقولى يا حمار مثلاً و أفضل قاعد متضايق شهر لكن عموماً فى أسوأ الحالات ممكن أقوله سيبنى شوية و دى عندى بتبقى بداية الصلح لأنى هنا فتحت باب للحوار معاه لبعد كده و بس بقعد أفكر مع نفسى شوية و أصفى ذهنى تماماً عشان لما أرجع أتعامل مع الشخص ده أبقى أنا سامحته بجد لأن السماح ده مش كلمة ده فعل الإنسان بيفعله مع نفسه بيصفيها و ينقى ذهنه من الخصام أو الغضب عشان لما أرجع أتعامل مع الشخص ده مظلمهوش أو أغلط ف حقه بعد ما هو إعتذر و متوقع منى كل خير لكن أكيد ف النهاية الصلح خير طبعاً.

11-أنا هاديهم لبابا وماما عشان يطلعوا يحجوا و طبعاً هيبقوا تذكرتين للسعودية.

12-و الله لو بالنص كده "سامحتك حبيبى"يبقى أكيد هاقولها لحد قريب منى قريب أو صاحب مثلاً أو حبيب كده يعنى بس طبعاً مبقولهاش بالنص يعنى مثلاً هاروح لواحد صاحبى و أقوله "حبيبى" دى تبقى غريبة شويتين.

13-مفيش حد لأن أنا بتحكم كويس فى شخصيتى و بحدد للى حواليا حدودهم فى تصرفاتهم معايا و طبعاً ده مبيبقاش بالكلام بس بيبقى بقوة الشخصيات و إزاى الإنسان يقدر يفرض شخصيته ع اللى حواليه و إيه اللى بيحبه من تصرفاتهم و إيه اللى مبيحبهوش ميعملهوش.

14-و الله يمكن من أكتر الردود اللى بتعجبنى ردود نور لأنها ردود إلى حد كبير متزنة و ماسكة قيمتها و طبعاً ردود خالد بتبقى غريبة لكن ليها إضافة جامدة ع المواضيع و ردود مى كمان فعلاً ردود لايت أو خفيفة الواحد ميملش لما يقراها و فى المجمل العام طبعاً أى رد بيبقى عندى شغف إنى أقراه لأن فعلاً يا جماعة الردود دى مهمة جداً الردود دى جزء كبير من الموقع و اى رد يا بيبقى إضافة يا بياخد من قيمة الموقع وفعلاً لازم ناخد بالنا من الردود.

15-و الله أنا عمرى ما حطيت فى أهدافى إنى يبقى لازم معايا المبلغ الفلانى أو كده لكن طبعاً ده سؤال و لازم أرد عليه و برضه عندى رده
1-أى حد فى العيلة و أنا كمان نطلع نحج و نعتمر و نشكر ربنا على نعمته.
2-أبنى ف مصر مصنع و مستشفى عشان أشغل فيهم ناس كتير.
3-اطلع أتعلم فى بلد أوروبى و على الأرجح بريطانيا و مش تعليم بمعنى مدرسة و بس لا كمان المعرفة و دى الأهم و طبعاً أى حد عايز يتعلم من برضه أطفال العيلة برة على عينى وعلى راسى.
4-هاطلع طبعاً فلوس لله بنسبة كبيرة و أبنى بنفسى أكترمن جامع مش بس فلوس و كمان هاعمل موائد للرحمن و شنط لمؤن البيت تطلع للغلابة بصفة دائمة.
5-هاساعد خالد إنه يعمل المشروع اللى هو عايزه لأنه و من غير مجاملة دماغه نضيفة أوى و عملية و بيعجبنى تفكيره.
6-هاشترى ترب للآخرة و ده مش تشاؤم بس لازم فى النهاية الإنسان يبقى عارف إنه مهما عمل دى نهايته.

دى كل الردود و يارب مكونش طولت عليكم

ما شاء الله عليك يا عمر فعلا رليى فيك فى محلة ربنا يحميك ويزيدك

شكراً يا نور ربنا يخليكى

لا يانور احنا بنا هندنا يعني متورطنيش

شكراً يا نور و بجد كلامك جميل أوى

و أنا كمان برشح العوو الأهلاوى عشان متبقاش نور اللى بتورطك انا ىهو اللى بطلبك لكرسى الإعتراف

يابرنس احنا قرايب ولازم تقف معايا مش ضدي