كرسى الاعتراف..

لا و الله مش ضدك و لا حاجة بس الأسئلة دى حلوة عشان نعرفك أكتر صدقنى يلا إتشجع و كلنا وراك

انتا محسسني اني هاخد لبوس وبعدين نعرفك اكتر اية دا انا وشي في وشك كل يوم وبعدين اظن ان اللعبة دي لازم 5 يرشحوني مش 2

ماشي انا هجاوب بس علشان البرنس ونور ميزعلوش

ما تجاوب انت هتحنسنا

اية اكتر الالوان الى قريبة من قلبك؟
درجات البني كلها والأسود والأحمر
2_ ماهو اصعب موقف حصلك وبصراحة؟
مفيش لأن انا من النوع الي بحاول انسى اي حاجة وحشة بس بجد انا حياتي مفهاش حاجة وحشة والحمد لله
3ـ ماهى حكمتك فى الحياة؟
ان كل حاجة بتعدي زي مي بالظبط
4ـ مين اقرب الناس لقلبك على منتدى؟
طبعا البرنس وتويتي وبيكهام ونور ومي وكنج
5_ مين على منتدى نفسك تشوفهم وتتكلم معاهم كتير؟
انا الي كتبتوهم في اقرب الناس ليا كلهم شفتهم الا نور ومي فعشان كدا انا نفسي اشوفهم واتكلم معاهم

اكتر حاجة نفسك تتحققلك وانت عايش؟
في طبعا حجات كتيرة نفسي تتحقق بس اهمهم ان انا وعائلتي نتجمع بقى مش شويا في السعودية وشوية هنا
احلى خبر سمعتة فى حياتك واسؤا خبر سمعتة فى حياتك؟
في اخبار كتير سمعتها حلوة واخرهم اني نجحت في الثانوية وجبت نسبة حلوة واخويا نجح في الكلية بس من خوفي من المرحلة الي جايا مخليني انسا كل دا وهيا الكلية بس انشاء الله هتعدي لأن الي عدا دا كوم والي جاي دا كوم تاني انما اية اسوء خبر فالحمدة لله مفيش مش علشان انا بنسى بس والله مفيش والحمدة لله
الشخص الى تقولة على بالى ولا انتا دارى بالى
جرالى؟
مفيش لأن لو هوا على بالي وهوا مش داري هشيلو من بالي اساسا

الشخص الى تشوفة كل يوم ومش تزهق منة خالص؟
من المنتدى البرنس وتويتي وقطتها وبيكهام وكنج
لو حد جرحك وجى قالك سامحنى رد فعلك اية؟
على حسب غلطتو لو كبيرة مش هسامحو لأن انا والحمدة لله مش محتاج حاجة من حد انما لو عادية هسامحو طبعا
لو اديتتك تذكرتين تسافر بيها اى بلد تختار مين على منتدى يكون معاك وبكل وضوح؟
هختار البرنس ونطلع امريكا نتفسح شويا
الشخص الى تقولة سامحتك حبييى؟
مفيش لأن الحمدة لله مفيش حد مزعلني دلوقتي

الشخص الى خد بالك عليا دى مش معاملة تعاملنى بيها؟
مفيش لأن لو في حد بيعملني وحش هنساه اصلا
احلى عضو بيدخل على منتدى ردة بيعجبك ؟
كل الردود بتعجبني لو حد كتبلي شكرا زي الي بيكتبلي قصيدة ولازم بجد نهتم بالردود شويا لأن انا عن نفسي بنبسط لما حد بيرد على موضوعي
لو معاك مليون جنية تعمل بيها اية؟
هدي ابويا نص مليون واخويا ربع مليون والربع الي هيفضل هشتري بيه شقة

يارب تكونو مزهقتوش مني وانا اختار هدى في كرسي الاعتراف

لا طبعاً نزهق منك إزاى يا عوو و أنا كمان برشح هدى لكرسى الإعتراف

وانا كمان والله نفسى اشوفك واشوف المنتدى كلة

اوكى هدى بس هى مش بتدخل اللعبة دى

طيب نرشح حد تانى

يلا رشحو وانا معاكو وانا برجح امانى

انتوا بدبسوني ولا وايه
لو عايزين هدى رشحوها وانا هبقا اقولها تدخل ترد ع اللعبه

لا هى امانى

جماعة هدى وامانى الاتنين هبجاوبوا

مستنينكم

انا جيت ارد علي الاسئلة اهو
نبتدي
1ـ اية اكتر الالوان الى قريبة من قلبك؟
الاسود والروز والبنفسجي

2_ ماهو اصعب موقف حصلك وبصراحة
اصعب موقف بصراحة
انتوا قلتوا بصراحة كان رمضان اللي فات وكنت قاعدة في العربية
ادام جامع وجم ناس كتير اتلمواحوالين العربية فاكرني بوزع اي حاجة
وانا بصراحة خفت اوووي لانهم كانوا كتير وادتهم اللي كان فيه النصيب
بس ما مشيوش بالعكس دول زادوا اكتر
بس الحمد لله روحت سليمة

3ـ ماهى حكمتك فى الحياة؟
اعمل الخير وارميه في البحر
هي مش حكمة دة مثل بس ما علينا

4ـ مين اقرب الناس لقلبك على منتدى؟
اماني وقمرات المنتدي طبعا مي ونور

5_ مين على منتدى نفسك تشوفهم وتتكلم معاهم كتير؟
اممممم خالد

6_ اكتر حاجة نفسك تتحققلك وانت عايش؟
اني ابني مدرسة

7_ احلى خبر سمعتة فى حياتك واسؤا خبر سمعتة فى حياتك؟
احلي خبر اني اتخطبت ههههههه
واوحش خبر ان عمتي توفت

8_ الشخص الى تقولة على بالى ولا انتا دارى بالى جرالى؟
حد انتوا متعرفهوش انه مش معانا علي المنتدي

9ـ الشخص الى تشوفة كل يوم ومش تزهق منة خالص؟
واحد قريبي قريب من قلبي اوووي

10_ لو حد جرحك وجى قالك سامحنى رد فعلك اية؟
هي هتختلف من جرح لجرح
بس لو فعلا حسيت ان الشخص دة ندمان فعلا علي اللي عمله
اكيد هسامحه انا مش شريرة

11_ لو اديتتك تذكرتين تسافر بيها اى بلد تختار مين على منتدى يكون معاك وبكل وضوح؟
اماني وهاخدها ونروح مطروح

12_ الشخص الى تقولة سامحتك حبييى
عمــــــــرو
مش معانا علي المنتدي

13ـ الشخص الى خد بالك عليا دى مش معاملة تعاملنى بيها؟
نفس الشخص
هههههههه

14_ احلى عضو بيدخل على منتدى ردة بيعجبك ؟
عمر البرنس

15ـ لو معاك مليون جنية تعمل بيها اية؟
هطلع احج انا والاسرة وهبني المدرسة اللي نفسي فيها
وممكن كمان اعمل مستشفي

اتمني اني مكنش طولت عليكوا
وزمانكوا زهقتوا مني خلاص
تحياتي لكم جميعا

اجابات حلوة فعلا

وانا والله بجد نفسى اشوف المنتدى كلة

يالا يا امانى

انا جييييييييييييييت
1- اكتر الالوان اللي بحبها هيه البمبي بدرجاته والاحمروالسماوي بردو
2- اصعب موقف هيه المواقف كتير صراحه بس اللي فكراه واللي حصل قريب ان النور قطع عليه بليل اوي وانا لوحدي ف الشقه
وللحظ الجميل ان الكشاف مكنش مشحون وانا بنرعب من الضلمه اساسا يوميها عيطت عياط وجريت من الشقه قعدت ع الارض ف البلكونه لحد ماما ما جت ده اقرب موقف
3-وحكمتي ف الحياه ان كل حاجه بتعدي

4-هما كتير اوي هدهد صحبتي اكيد ونور ومي ونيللي وطبعا اكيد خالد

5-تقريبا نفش الاشخاص ماعادا هدى طبعالانها صحبتي من زماااااااااااااان

6-اكتر حاجه نفسي اخققها وانا عايشه اني انجح ف دراستي وبعد كده شغلي
7-احلى خبر يوم النتيجه لانب كنت خايفه منها جدا السنه دي
واسوء خبر يوم وفاه بابا الله يرحمهبجد اسوء خبر ف حياتي كلها

8- الشخص اللي اقوله على بالي هو خالد
9-الشخص اللي اشوفه كل يوم ومزهقش منه هو هدى
10- لو حد جرحني وجه قاليسامحيني اكيد هسامحه انا مش بحب ازعل من حد ولا ازعل حد مني

لو معايا تذكرتين سفرهاخد ماما ونطلع نحج سوا-11
12-اي حد جرحني او زعلني
13- اقولها لايمن اخويه ساعات لانه عصبي شويه
14- انا بحب ردود الاعضاء كلهااااااااااا بجد
15-هدي نصها لخالد يعمل بيهم مشروع
واجيب لايمن اخوبه شقه
وادي الباقي لماما

يا رب مكونش طولت عليكم
عارفه اكيد زهقتوا مني معلش
وبرشح نيللي لكرسي الاعتراف

اوكى وانا ارشح

نيللى

اجابتكم كانت ممتعه انتو الاتنين
وانا مع مى وارشح نيللىِ

خلاص يلا أنا كمان هارشح نيللى

فين نللى

جارى البحث عن نيللى

نيللى انتى فين مدوخيناش وراكى

الو الو
انتى فين يا نيللى
حول

نيللى انتى سمعانا

الخط اتقطع الحقونا يا ناس

جماعا نيللى هترد بعد الفطار

وانا مش هفطر غير لما تيجى

سيبكم منها بقى

خلاص نرشح خالد

ما هو خالد اتسال

انا ارشح aa7aa

انا بدبس ولا ايه

ايوة انت بتدبس يلا رد ع الاسئلة بقى

يالا

رد

انا بدبسك بقى

امرى لله

1 اكتر الالوان الى قريبه لقلبى

البيض والاسود والاخضر

2اصعب موقف حصالى

يوم موت والدى كنت انا وهو لوحدينا فى الشقه وتعب وانا كنت فى 3 ثانوى سعتها ومكنتش عارف اعمل ايه جبت تاكسى وخت بابا على المشتشفى وجه اخواتى على هناك وفضلنا معاها للصبح وبعدين الدكتور قال لاخويا الكبير ان بابا بقى كويس والمفرض اننا نروح ونسيب واحد هنا بس فانا خت امى وستى واخواتى البنات وروحتهم وسبت خالد واحمد ومحمود دول اخواتى مع بابا ولما روحت خالد اتصل بيا وقالى الخبر سبت كل اللى فى البيت وجريت وخت تاكى ورحت المستشفى واخواتى كانو وقفين سئلتهم بابا فين خالد خدنى فى حضنى وعلى الرغم ان انا منزلتش دمعه واحده من عينى الا كانت اليام دى اصعب ايام حياتى وفى يو العزاء الثالث كنت قاعد انا واخواتى خالد ومحمد واحمد ومحمود فنهرت من العياط وهم بيهدونى قولتلهم سبونى انا ماسك نفسى 3 ايام وكانت دى اول مره اعيط من يوم الفاه

3حكمتى فى الحيا هى

حكمتى فى الحياه غريبه شويه وهى
حط هدفك امامك ومتخليش حد يقف فى طريقك للوصول اليه مهما كان
بيتهيقلى ده اللى ينفع فى الظروف دى

4اقرب الناس لقلبى على المنتدى
هم نور ومى والبرنس

5مين نفسى اشوفهم واتكلم معاهم

البرنس ونور ومى وخالد ونيللى وهدى

6اكتر حاجه نفسى تتحقق وانا عايش

ان غزه تتحرر واسرائل تتمحى من الوجود

7احلى واسوء خبر
احلى خبر يوم نتيجه ثلنه تانيه فى الكليه لما جبت جيد جدا
واسوء خبر ان انى سقط فى ماده فى ثانه رابعه بس الحمد لله عدتها

8حد اقوله على بالى وانت دارى بالى جرالى
مفيش علشان انا اللى مبيحسش بيا بنساه بسرعه

9الشخص اللى اشوفه كل يوم ومزهقش
ولاد اخواتى كلهم

10لو حدجرحك وقالك سامحنى
هسمحه بجد

نرشح من الاول زيدتن عشان المسهمات راحت

انا جايبلكم اسئله جديده
يارب عجبكم
وتكون سهله عليكم
وحظ المطحون اللي عليه الدور

فينهاااااااااااااااااااااا

فين الاسئلة؟؟؟

اوعى تكون بتسئل فى سرك

معلش اتا خرت عليكم

1-كلمنا عن نفسك بكل صراحه
2-بتحب الوحده من كتر الدوشه وللا الدوشه من كتر الوحده
3-اختار 10 من اعضاؤنا وتقول رايك في اسلوبهم ونصيحه لهم
4-ممكن الصداقه تتقلب حب ومممكن الحب يتقلب صداقه
5-هل تجد نفسك من أصحاب الشخصيات الصامته وحاولت ان تكسر حاجز الصمت بحياتك
6-ماذا كنت تريد لو لم تكن انت
7-لو كانت حياتك قصه ماذاتريد ان تسميها؟

8-هل تتزوج من تحبها .. أم تحب من تتزوجها !! وأيهما تراه أجمل ؟ما رايك فى الحب و الزواج من على النت هل هوة حقيقة ام وهم
9-لو حدث لاسمح الله في احد الأماكن العامة رأيت من كانت يوما تسكن القلب .. تمسك بطفلها .. كيف تكون ردة فعلك !!
10-ايه تعنى لك
الحياة _ الموت _ الحقيقة _ الخيال _ المراة _ الماء _ الصحراء_الاصدقاء_ الزملاء
11-كيف ترى الصداقه بين الولد والبنت وانت معها ام لا
12-لمن تلجأ عندما تجد نفسك تائه؟؟هل تقتنع بالانتقادات التي توجه إليك؟؟
13-مين بتحب تسمعلة اغانى ؟ واية اكتر اغنية بتحبها ؟
14-اية اكتر عيب فيك مش عاجبك انت شخحصيا
15-متي يمكن ان تفرق من تحب

خدوو بالكم من الاسئله
ويارب تكون سهله
اخوكم
الطيرالحزين

افضل عدم الاعتراف على الكرسى

يلا يا ذيدان جاوب

اجاوب على السؤال الاول
انا واعوذ بالله من كلمة انا (انساااااااااااان اعيش واتعايش

ما تجاوب على باقى الاسئلة

إيه يا زيزو هو الصيام تأثيره صعب أوى كده؟