كرسى الاعتراف..

اللعبة دى فكرة الطير الحزين وهى تشية لعبة الصراحة اللى كان خالد عاملها

ولكن دى مختلفة شوية

كل عضو يرشح العضو اللى عايز يسالة وعند خامس عضو حنختار اكتر الاعضاء ترشيح عشان يقعد على كرسى الاعتراف

ومسموح لكل الاعضاء انهم يسالوة 15 سؤال ولازم يجاوب عليهم

وانا حبدا

1- اختار " البرنس او الادمين الجديد "

وانا كمان اختار
ادمين
وشكرا ليكي يا نور
اخوكي الطيرالحزين

يا جماعة أنا دلوقتى بقيت البرنس و خالد الحمد لله أخد مكانه الطبيعى كأدمين للموقع و بصراحة أنا هاكتبله ترحيب كبير أوى و عايزمنكم كلكم ترحبوا بيه معايا وعموماً أنا مستنى الأسئلة حتى لوموصلتوش لخامس عضو

انا كمان اختار البرنس والطير الحزين كمان

وانا خامس العضو واختار تانى البرنس كدة يا برنس اانت اللى حتقعد على الكرسى

اوكى مين هيسأل؟؟؟؟؟؟؟؟؟

ااوكى يا برنس انا حسال

مين اكتر حد بترتاح معاة وبتحكيلة على كل حاجة ؟؟

مفيش حد باحكيله على كل حاجة و مش عشان حاجة بس عشان أنا بحب أعتمد على نفسى فى كل حاجة و مش كل حاجة تستاهل إنى أقولها و عموماً أقرب الناس ليا واللى بحكيلهم يعنى فى الأغلب أبويا و أمى و يمكن أبويا أكتر

ماشى يا برنس

سؤالى بقى انت عشت قصة حب او اعجاب قبل كدا ويا ريت تحكى تفاصيل

أكيد طبعاً لأنى إنسان و الإنسان اللى مبيحبش ميستاهلش يعيش و ا متنع عن ذكر التفاصيل.......

اية هو اصعب موقف قابلك حتى الان

مفيش موقف صعب عدى عليا و مقدرتش أحله او من صعوبته فضلت فاكره

السؤال منى انا يا برنس
سؤال صعب جدا
ياريت ترد علية وبصراحة
انت بتخاف تاكل لب وسدانى كتير علشان بينفخ البطن
ولا بتاكل اللب عادى ومبيهمكش تعمى الاخرين المسكين الغلابة اللى عايشين معاك

أنا باكل لب إنما السودانى أصلاً بينفخ وعادى يعنى أنا إنسان يعنى هو مين فى الدنيا معندوهش غازات وخصوصاً لو أكل سودانى

اية نوعية الكتب اللى بتحب تقراها يا برنس ؟؟ ومين اكتر الكتاب والمؤلفين اللى بتعجب باسلوبهم ؟؟

أنا أحب أقرا كل نوعيات الكتب بس المهم الكتاب يحترم مستواى الفكرى و محسش إنه كتاب حشو أو هجايص أما المؤلفين فطبعاً بحب العبقرى ويليام شكسبير و تشارلز ديكنز و تشارلوت برونتى و كمان مارك توين و أيضاً آرثر ميلر و أخيراً طبعاً المؤلفة الصاعدة بشدة جى.كى.رولينج أما المؤلفين العرب فمفيش حد بارز ومستواهم متذبذب و غير ثابت بالمرة

يالا يا جماعة مين اللى هيختار اللى هيتسأل بعد البرنس وانا عن نفسى ارشح مسك الجنة

يا جماعه غلط سؤال سؤال
انا اسف نسيت ابلغوو
بنظام المسابقه
اولا لازم اللي هيقعد علي كرسي الاعتراف لازم يقسم اليمين
وثانيا الاسئله الخامسه عشر لازم تكون مره واحده عشان يقدر اللي بيتسال يرد علي كل عضو
ثالثا عدم تكرير السؤال
والله الموفق
اخوكوووو
الطير الحزين

علم وجارى التنفيذ يا فندم

يا طير كلامك كده فيه تلميح يعنى أنا إستحالة أكذب و عموماً عشان تطمن( أقسم بالله ان أقول الحق و إنى قلت الحق)

يا برنس محدش يقدر يقول عليك كدة احناواثقين فى اجابتكوبعدين الاسئلة اللى اتسالتلك عادية ومحدش بيكدب فيها

لا برضه عموماً و كمان ده حق الطير بما إنه صاحب الفكرة بتاعة اللعبة وأنا مش زعلان مفيش حاجة يعنى و كمان مستنى بقية ال15 سؤال

يا جماعه انتم فهمتونو غلط
انا عايز اقول ان اللعبه ليها اساليب
مش بقول ان الايجابه غلط او فيها كدب
انتو ليه فهمتوني كده
ومش معني الكدب
شكرا ليكم اوي
اخوكو
الطيرالحزين

إنتا هتزعل ولا إيه يا طير ؟؟؟ إذا كنت أنا مش زعلان و معنديش أى إعتراض علىقوانين اللعبة و فهمت أنا بهزر معاك عادى يعنى يا جماعة دى فى الأول و فى الآخر لعبة

مفيش داعى للزعل يا جماعة

كل سنة وانتم طيبين

عادى يا جماعة كدة فهمنا قوانين اللعبة
ونختار عضو جديد
وانا ارشح خالد لكرسى الاعتراف

اى خدعة يا خالد

مفيش زعل ولا حاجة يا جماعة و أنا كمان أختار خالد لكرسى الإعتراف

وانا ارشح خالد برضو

وانا برضو ارشح خالد

اولا اختار خالد
اخوك
الطيرالحزين

قوانين كرسي الاعتراف
1- مده الاسئله اسبوع واحد تنتهى فى 9/9/2008 وغير مسموح بالاسئله بعد انتهاء هذا التاريخ

2- مسموح لكل عضو بـ 15 سؤال فقط سواء فى مشاركه واحده او اكتر من مشاركه واى اسئله بعد الـ 15 سؤال سيتم حذفها

3- كل الاسئله متاحه بما فيها الاسئله المحرجه والحساسه

4- لا يحق لاى عضو او مشرف او ادارى التعليق على الاسئله بما فيه الاستهزاء بالعضو المطحون فى كرسى الاعتراف

5- برجاء من كل عضو قراءه اسئله الاعضاء السابقين حتى لا تتكرر الاسئله

6-ان يحلف القسم

7- مسموح للعضو المطحون على الكرسى عدم الاجابه على سؤالين فقط من بين جميع الاسئله وليس من بين كل 15 سؤال

الاسئله يا اخ خالد
1ـ اية اكتر الالوان الى قريبة من قلبك؟

2_ ماهو اصعب موقف حصلك وبصراحة؟

3ـ ماهى حكمتك فى الحياة؟

4ـ مين اقرب الناس لقلبك على منتدى؟

5_ مين على منتدى نفسك تشوفهم وتتكلم معاهم كتير؟

6_ اكتر حاجة نفسك تتحققلك وانت عايش؟

7_ احلى خبر سمعتة فى حياتك واسؤا خبر سمعتة فى حياتك؟

8_ الشخص الى تقولة على بالى ولا انتا دارى بالى جرالى؟

9ـ الشخص الى تشوفة كل يوم ومش تزهق منة خالص؟

10_ لو حد جرحك وجى قالك سامحنى رد فعلك اية؟

11_ لو اديتتك تذكرتين تسافر بيها اى بلد تختار مين على منتدى يكون معاك وبكل وضوح؟

12_ الشخص الى تقولة سامحتك حبييى ؟

13ـ الشخص الى خد بالك عليا دى مش معاملة تعاملنى بيها؟

14_ احلى عضو بيدخل على منتدى ردة بيعجبك ؟

15ـ لو معاك مليون جنية تعمل بيها اية؟
وارجو ان تكون اسئلتي تكون خفيفه
اخوك
الطيرالحزين

يالا يا خالد مستنين الاجابات بتاعتك يا باشا

اولا ادى القسم اقسم بالله العظيم ان اقول الحق
والاجابة على الاسئلة بالترتيب بقى

1- انا بحب لونين جدا ومبحبش غيرهم الابيض والاسود

2-اصعب موقف كان يوم ماسبت الكلية ومشيت وقالولى خلاص انت مابقتش معانا بنفس النص كدة

3- حكمتى فى الحياة من بعد ماخلصت ثانوى وسبت الكلية هيا GAME OVER

4-انا اقرب الناس ليا فى المنتدى كتير والله تقريبا كل المنتدى اصحابى واكتر كمان من اصحاب انا بحب عمر ابن خالتى اوى (البرنس) وتقريبا هوا احسن واحد ى ولاد خالاتى - وكمان نور طبعا مقدرش استغنى عنها صاحبتى جدا ومؤسسة للموقع معانا - وكمان مى اختها دى تقريبا مالهاش اخوات غيرى فى الدنيا كلها وبتحبنى جدا وبتعتبرنى اخوها الكبير - اة وطبعا خالتو اللى هيا تويتى من الناس اللى بحبهم فى الموع وبرة الموقع كمان - وامانى صاحبتى كمان بحبها اوى -والله العظيم كلهم انا لو كتبت يبقى الكل مش اى حد بعينة لانى فعلا والله العظيم عارفهم كلهم وبحبهم كدة على بعض

5-نفسى اشوف مين من على المنتدى واتكلم معاة كتير ااانا بصراحة نفسى اتكلم كتير مع

(نور -امانى)

6-اكتر حاجة نسى تنجح وانا عايش 3 حاجات بصراحة
اهلى يعرفوا قيمتى ويقدرونى اكتر من كدة
انجح فى شغلى واعمل كل المشاريع اللى فى دماغى وابقى زى ساويرس او بهجت
اخر حاجة تتعلق بـ بيتى ومراتى واولادى وعلى فكرة نا مش كاتب الحاجات دية بالترتيب لو على الترتيب تبقى دية اول حاجة

7-احلى خبر سمعتة فى حياتى بجد مافيش حاجة سمعتها فرحتنى - اسوء خبر لما اترفدت من الكلية ولما سبت البنت اللى بحبها وكمان لما سقط السنة اللى فاتت فى المعهد

8- الشخص الى تقولة على بالى ولا انتا دارى بالى جرالى؟

هوا amany

9-الشخص الى تشوفة كل يوم ومش تزهق منة خالص؟

انا باشوف tota بس مش كل يوم وعمرى مازهت منها بالعكس ببقى فرحان لما بشوفها

10- لو حد جرحك وجى قالك سامحنى رد فعلك اية؟

على حسب اللى هوة قالهولى او اللى عملوة فيا يعنى مثلا واحد شتمنى وهزقنى ونيل الدنيا خالص وجاى بيقولى سامحنى اكيد هبص لحاجة واحدة بس ية ساعتها لو ليا مصلحة معاه او لاء اكتر من كدة مافيش

11-لو معايا تذكرتين سفر اخد مين
اممممممممم
انا والله اصلا الحكاية دية فى بالى وسبحان الله جاتلى مترتبة دلوقتى
انا هاخد خالتو (تويتــــى )
واطلع احج انا وهية

12-الشخص اللى اقولة سامحتك حبيبى عن اى حاجة عملها فيا نور ممكن لانها اوقات كتير اوى كانت بتعمل حاجات غريبة فى الاول وماكنتش فهمانى كويس لسة
لكن دلوقتى الحمدلله باقت فهمانى كويس اوى وفعلا باقت بتعرف تتعامل معايا

13-اة ممكن الحكاية بتاعت خد بالك عليا دية نقولها ل العووو الاهلاوى وهدى ستورم والملكة سارة لانهم ناشفين اوى فى كلامهم معايا

14-احلى ردود بشوفها فعلا ل العضوة شايننج ستار لانها مبتردش اصلا
بجد كبرها انها تقول
شكررررررررررررررررررا

ودية بصراحة بتريحنى ى القراءة اوى وبتبينلى انها اصلا ماشتش الموضوع
وكمان لا ليها اقتراحات ولا شكاوى بجد عضوة مثالية

15-لو معايا مليون جنية اعمل بية اية
طبعا هبتدى شغل فى ساعتها بقى
لانى بصراحة قدامى لسة مشوار كبير اوى وكل اللى وا قدامى اللوس والدراسة
لو لقيت الفلوس بجد عبال ماخلص دراسة فعلا هكون مضاعفهم اكتر من مرتين
يعنى فى السنة اللى فضلالى دية انشاء الله المليون دة هيكون اكتر من تنين مليون

يارب اكون عرفت ارد على اسئلتكم ومتكنوش زهقتوا منى .................خالد جمال

شكرا ليك يا خالد علي الاسئله وقدامك لسه ل9 سبتمبر
اعبقال ما تخلص المده
وارجو ان تلتزم الاعضاء بقوانين المنتدي
اخوكم
الطيرالحزين

حقيقى يا خالد مش عارف أقولك إيه عن اللى قولته عنى غير إنه شعور متبادل و إنتا حقيقى إنسان بكل ما تعنيه الكلمة و إنتا كمان من الأشخاص القريبين منى جداً ف حياتى و ببقى مبسوط جداً لما بكلمك لأنك من الناس اللى بتبقى فهمانى و كمان نصايحك ليا دايماً بتبقى مفيدة و إنشاء الله ربنا هيوفقك ف حياتك لأنك إنسان مجتهد بتعتمد على نفسك............و كمان أرشح لكرسى الإعتراف الطير الحزين

انا برشح نور لكرسى الاعتراف

ميرسى ليك يا خالد ولو انا فعلا زعلتك فى حاجة فالحمد لله انك سامحتنى وانا كمان بجد مقدرش استغنى عنك يا احلى صديق فى لدنيا

انا برشح الطير الحزين

اة انا عندى اقتراح

احنا نثبت ال15 سؤال اللى طرحهم الطير الحزين يعنى اى حد يقعد على كرسى الاعتراف يجاوب عليهم ولو اى عضو عندة سؤال زيادة يسالة

انا برشح الطير الحزين وكلامك عني متوقع بس عايزك تحط في بالك اني اساسا مش بشوفك غير كل فين وفين يبقى عايزني افهمك ازاي يعني

وعلى فكرة ياخالد انتا كل سنة بتتغير عن الي قبله يعني فين خالد من 3سنين ولا اية يابرنس

و الله يا عوو الناس نوعين فيه ناس بتتغير و هنا اللى يهم جهة التغيير للأحسن أم للاسوأ و فيه ناس تانية بتفضل واقفة محلك سر تفكيرها بيفضل هوا هوا و مبيطوروش من نفسهم و أنا ف رايى إن خالد من النوع الأول والإيجابى منه ودى مش مجاملة أنا باتكلم كشخص عارف خالد كويس و مش هقول علىاللىخالد فيه تغير كمان لكن الأحسن إنى أقول تطور لأنه مبيعديش عليه اى موقف ف حياته من غير ما يضيفه لخبرته فى الحياة مع الإحتفاظ طبعاً بمبادؤه و قيمه.............و يلا يا طير جاوب على نفس الأسئلة الى فوق دى

والله يا برنس كل كلامك عن خالد صح

ومستنينك يا طير عشان تقعد على الكرسى

فينك يالا جاوب ع الاسئلة

أيوة يا طير يلا جاوب على نفس الأسئلة اللى فوق

حاضر اجاوب
والله العظيم ان اجاوب علي الاسئله بكل صراحه وبكل وضوح