كيف تكتشفي ان حبيبك ميستهلش حبك ثانيه؟

كيف تكتشفى ان حبيبك مايستاهلش حبك ثانية

كمااان؟

(1) انك تكونى مستعدة تضحى بكل حاجة علشانه وهو خايف يضحى باقل حاجة ليخسر.

(2) ان انتى تسامحيه اكتر من مرة وهومش مقدر انك بتيجى على نفسك لواحد
مايستاهلش.

(3) يكون مصمم يجرحك بكل الوسائل والطرق ولا كانه بيقوم بواجب وطنى بجرحك.

(4) يكون واثق من نفسه بطريقة غريبة زي مايكون خلقه ماخلقش غيره.

(5) تكونوا فى عز الرومانسية وهو مصمم ينكد عليكى
ماهو مش هايجيلوا نوم لو كنتى مبسوطة.

(6) يعمل العملة وهو واثق انك هاتبررى موقفه قبليه يعنى مش هايتعب فى اقناعك.

(7) ياسلام لو عملتيله اعتبار خدى عندك مثلا اتاخرتى برة شوية تتصلى بيه تعتذري له
ماهو مايصحش تخرجى الا لما تستاذينيه
وهو يرد عليكى ببرود انا مش ليه كلمة عليكى اعملى اللى انتى عايزاه

( Cool

الغرابة انه يحسسك ان انتى حياته وروحه والكلام الفاضى ده
ولما تبادليه الشعور يتجهلك بمعنى تانى يتمسكن لحد ما يتمكن.

(9) فى يوم يقولك انه مش مستعد يواجه الناس بحبكوا وانتى بكل سذاجة لازم توافقيه
هاتقولى ايه يعنى ونبى لاء واللى يغيظ انه هايبقى يطمن عليكى من وقت للتانى
مانتوا اخوات ؟
(10) يرجع بعديها بفترة يقولك ماقدرتش على بعدك وانا حياتى من بعدك ضاعت
وكلام الاغانى اللى كلنا حافظينه وبغباوتك تصدقيه ويعيد اللى كان
من قرف ونكد ؟

(11) اللى يقهرك اكتر انه فاكر ان هو لوحده اللى بيتعذب وانتى ولا هنا
..
(14) لو قلتيله فى مرة ان ولد كلمك فى الجامعة )
بس بتحاولى تعملى تخليه يغيروهو يرد انتى بتحاولى تخلينى اغير
بعينيك طب مادام انت عارف
اسكت علشان الامور تعدى .

(15) عمره ما يقولك انه بيحبك رغم محاولاتك المستميتة علشان تسمعى الكلمة دى

(16) انه يكرهك فى الدنيا والحب والناس اللى اسمهم زيه
ويحسسك انك ولا حاجة (شوية عياط).

(17) يا سلام لو بعتلك مسج يتملى فى جمالك وبعدين يقولك احنا ماننفعش لبعض
انا ظروفى ماتسمحش بالا رتباط دلوقتى
(18) لو حاولتى فى يوم تزعلى من موقف عمله ضايقك هايسيبك لحد ماتتفلقى
وترجعى انتى تتاسفى على ايه ماتعرفيش

(19) من الاخر هاتحسى انك عشتى اسوا قصة حب فى تاريخ البشرية كلها
زى الافلام الهندى اللى بنتفرج عليها لا و مش اى افلام هندى
الافلام اللى فى الاخر البطل والبطلة بيموتوا فى الاخر موتة بشعة
(الحرق........الخ)
وبعدين المتفرجين يقوموا ينتحروا
بعد لما يعرفوا ان طاقم الفيلم كله ولع فى نفسه تضامنا مع الياس من الحياة

(يعنى متعذبة دنيا واخرة اهو دا اللى ييجى من ورا الهباب اللى اسمه الحب
منقووووووووووووول

زائر

الموضوع جميل جدا . انا الانسان اللى بحبه فيه شويه من الحاجات دى بس مش كلها حصلت بنا مشكلة ولما اتكلمنا ثورت واتنرفزت عليه بسبب اللى حصل بس مع العلم ان انا كمان استفزيته لان هو جرحنى ببعض الكلام وهو ده كان سبب المشكلة اللى حصلت بنا بس لما ثورت عليه استحملنى وسمعنى للاخر ويعد شويه كلمنى تانى وحاول يصالحنى اكثر من مرة بس انا رفضت وكنت جافة معاه راح قالى هاسيبك لما تهدى ولما تحسى انك هديتى كلمينى لو فى حاجة تعبر عن اللى جوايا دلوقتى يبقى اغنية تامر حسنى لسه بحبك انا نفسى اصالحه بس لسه حاسه بجرحه ودا اول حب فى حياتى كنت مقررة انى اسيبه النهارده بس مش قادرة انا بحبه ولما اكلمه اقوله انى كنت اسيبه ولا لا ياريت اسمع رد يريحنى Thank u!!

شوفى يا نوسة و اسمحيلى أرد عليكى بالرغم من إن الموضوع مش بتاعى بس هقولك رأيى اللى أنا شايفه إن الموضوع مليان صفات خطيرة فياريت لو تقدرى تحددى هو عمل إيه يعنى مثلاً أول حاجة بتتكلم عن اللى مبيضحيش و دى حاجة مينفعش إنسان يعيش مع حد كدة فياريت الأول تحددى حصل حاجات زى إيه من الأمثلة اللى فوق مع التأكيد على إن اللى بيحب حد بجد قادر يتغير عشانه و أنا شايف إنه متمسك بيكى رغم اللى حصل