هل حب البنت خيانة لاهلها

لما يحب شاب بنت معينة وصارح أهله بهالحب ..
محدش يقدر يعيبه أو يقول له شي ..!!

بس لما البنت تحب شاب معين ..
تنقلب الدنيا .. وتصبح خاينه لأهلها ..
و ما تقدرش تصارح حد إلا صديقاتها المقربات ومش دايما ً ..

سؤالي ينقسم لعدة أقسام ..

الأول ؟؟

هل الحب الشريف في مجتمعنا الشرقي عيب كبير ؟؟!!

الثاني ؟؟

هل من حق الشاب أن يحب و يفصح عن حبه و مش من حق البنت أن تحب و تفصح عن حبها ؟؟!!

الثالث و الأخير ؟؟

هل عاداتنا تسمح للرجل أن يحب
و لا تسمح للمرأة أن تحب ؟؟!!

في انتظار آراءكم ..

منقول

]اتمنا تكون الردود بشفافيه بدون تعصب

بصراحة الموضوع محير جدااااااااااااا

فعلا مجتمعنا الشرقى بيشوف ان الحب من المحرمات على البنت

والشاب دة بيبقى حاجة عادية جدا بالنسبالة

ياريت تفكيرنا يتغير عشان البنت تقدر تصارح اهلها ودة اكيد حيبقى من مصلحتهم هما قبلها

شكرا على الموضوع

حد فيكم سال نفسه واهلهم بيعملو ليه كده ان فى شباب مش بيحبو حب صاده وبضحكو على البنات ويجوزو جواز عورفى صدقونى لو فيه صدق فى دنيتا ماكنش حد خاف على التانى من اى حد لاكن فى نا ولاد حرام وربنا يهدى الجميع

المجتمع الشرقى بيفرض علينا انه بالنسبة للود حاجة عاديةبصراحة مش عارفة الحل
على العموم شكرا

أنا بقى شايف إن الموضوع بسيط جداً الفكرة و ما فيها إن الرجل بيبقى مسؤول عن تصرفاته و أى حاجة غلط بتمسه هو و بيتحمل غلطتها هو لكن لما نييجى نبص ع البنت فنلاقى الحوار غير كده خالص البنت لما فيه حاجة بتمسها أو بتمس شرفها بيمس أهلها كلهم ده غير إن حاجة بسيطة ممكن تعملها مع شاب مثلاً تبقى ماشية معاه أو حاجة و بعد كده الشاب ده سابها مفيش أى حد من الشباب اللى ف عمرها اللى كانوا يعرفوا حكايتها هيبوصولها و بكدة اتوقف حالها أنا عارف إن أنا بعدت عن الموضوع بس مش معنى إن البنت بتحب الولد أو الولد بيحب البنت إنهم يفضلوا يتنططوا و ماسكين إيدين بعض لكن و لإننا بعدنا عن الدين فده بقى العادى و الحب أعلى من كل الحوارات اللى بيقعدوا يعملوها دى و عموماً أنا شايف إن الأهل مش بيخافوا من الحب بالعكس و إلا إزاى البنات بيتجوزوا أصلاً ما هم بيبقوا مربطين عموماً الأهل بيبقوا خايفين من المصايب اللى ممكن تحصل و كلكم عارفين و بصراحة أنا شايف إن البنت المفروض تصارح أهلها أكتر من الولد بحبها لأن لو حصل حاجة هى اللى هتتعك زائد إنها بيبقى أكيد أهلها عندهم خبرة أكتر منها ف الحياة و يقروا يقيموا الولد ده حلنجى و نصاب و لا واد مظبوط

فعلا يا برنس كلامك صح

والموضوع دة مهم وفى الاخر الموضوع بيرجع للبنت وكرامتها وسمعتها

ميرسى اوى لردكم كلكم يا جماعة