الاروااح بتعامل معانا

كتير اوى نقابل اشخاص ونحبهم من غير سبب من غير حتى منتعرف عليهم

وبرده كتير اكتر بنقابل اشخاص بنكرههم من اول نظره وبرده بدون سبب

الاقى واحد مثلا يقول يا اخى انا كارهك اوى

طب ليه ؟

من عند ربنا كدا يا اخى حاجه كدا لله فى لله

من غير حتى اى سبب معين أو حتى موقف حصل له

واحد تانى يقولى تصدق بالله انا حبيتك من اول ما شوفتك

طب ليه انت كمان يا عمونا

مش عارف والله بس مرتاحلك اوى

برده لله فــ لله

دا اكيد بيحصلنا كلنا

بنحب نااااس ونكره ناس تانيين

من غير اى اسباب ولا اى مواقف بس هو كدا وخلاص

مسالتش نفسك مره طب دا من ايه ؟

مقولتش مره اشمعنى مشاعرى اتحركت للشخص ده

مع انك محتكتش بيه ولا حتى كلمته او اتعرفت عليه

طب واللى يقولكوا بقى ع السبب!!!!

تعلالى بقى كدا

بص يا سيدى طالما انك محتكتش بيه او حتى مكلمتوش

يبقى دا حب روحانى

ايوالله روحانى

روحك اللى حبت

وبرده روحك اللى كرهت

اصل بعيد عنك الروح دى سرها باتع

هي المؤشر الاول لمشاعرنا واحاسسنا

هي قرون الاستشعار لقلبنا

وصدق رسول الله صلى الله عليه وسلم لما قال :

الأرواح جنود مجندة . فما تعارف منها ائتلف . وما تناكر منها اختلف -

فعلا بجد لانك لما تشوف شخص لأول مره

فـ روحك هى اللى بتبدا بالتعرف على روحه

فلو لقتها زيها بالظبط ونفس طباعها ائتلفت وتحابت وأجتمعت

والعكس صحيح

لو لقت الروح المقابله لها مختلفه تماما معاها في الطباع والصفات عنها تنكرها وتختلف معها فيحصل الكره

عشان كدا تلاقينا بنردد جمله كدا اسمها ....

الطيور على أشكالها تقع

ايوه هى دى الله ينور عليك

حتى تلاقى اى اصحاب مع بعض تلاقى طباعهم واحده

وزى ما قال ربنا فى كتابه الحكيم : الطيبون للطيبات والخبيثون للخبيثات

وفى مقوله بتقول : قل لي من صاحبك أقول لك من أنت ..

وقال المصطفى عليه الصلاة والسلام :

(المرء على دين خليله، فلينظر أحدكم من يخالل)

والسؤال دلوقتى ليكم

هل عشت التجربه دى وكرهت أو حبيت من غير حتى متتعرف ع الشخص التانى ده ؟؟؟

شكرا يا نور

موضوعك جامد