ليه.......................؟

ياريت تجوبوا علي اسئلتي دي علشان الآسئلة دي محيراني

إن شاء الله يا فارس أحاول أجاوب على كل سؤال ويا رب إجابتى تنهى حيرتك وتريحك
ليه كل حاجة حلوة عمرها قصير............؟

الحاجات الحلوة لو فكرت تكتبها وتكتب كمان الحاجات اللى ضايقتك فى الغالب هيتساوا الموضوع وما فيه طبيعتنا كبشر تميل للشجن ونتذكر الذكرى المؤلمة أكثر من السعيدة حتى لما نفرح ونضحك نتوقع حدوث سوء ونقول خير اللهم اجعله خير وطبعاً فيه ناس بالفعل أحزانهم أكثر وده بيكون ابتلاء من الله يختبر به إيمانهم أو بيكون غضب من الله وده أسبابه كتيرة ويعرفها الشخص نفسه أكثر من غيره
و ليه كل اتنين حبيبين اتوعدوا لازم واحد يجي في النهاية ويخلف وعده...؟
ليه لازم ساعات كتير بتكمل والدنيا تبقى حلوة بس الغالبية العظمى تفشل بتكون العلاقة مش جادة أو الظروف غير مساعدة وغيرها كتير اسباب حسب العلاقة وظروف الطرفين
وليه لحظ الفراق بتبقي اصعب لحظة....؟
فى أى موقف أكيد الفراق يكون اصعب لحظة لأنه خلاص بقى فيه ذكرى وتعود
وليه الحب عذاااب.....؟
لأنه كتير إن لم يكن دائماً تتحمل أشخاص وأمور ( ما بتطيقهمش) تحت مسمى علشان خاطر حبيبى أو حبيبتى والأفضل الصراحة بدل ما نتحمل شىء مع الوقت ممكن يكون سبب لإنهاء العلاقة خالص
وليه كل لما نحلم بحلم ونفسنا نحققه ميتحققش..؟
أبداً كتير أحلام بتتحقق انا مثلاً كان عندى حلم كبير أتنقل من المكان اللى كنت باعيش فيه وصليت ودعيت وصمت وتقربت إلى الله وتحقق الحلم بعد 16 سنة وأكثر مما كنت أتوقع وفى وقت فعلاً كان هو الأنسب للإنتقال كل الموضوع إننا نتحمل ونصبر وكمان نعرف إنه ساعات نتمنى شىء نرى فيه خير وهو قديتحقق ويأتى معه الشر
ليه كل واحد فينا مبينساش الجرح ...؟
طبيعتنا تميل للشجن وكمان ده يرجع لطبيعة كل إنسان بس لازم نعفو عند المقدرة والمسامح كريم

وليه الدنيا دي معتش فيها حب....؟
المصلحة بقت بتحكم معظم الناس وده لتغير الظروف فى بلدنا وفى العالم كله وللأسف آخر شىء يعتد به هو مشاعر الإنسان والأساس هو البعد عن الدين اللى امرنا نحب بعض زى ما بنحب نفسنا

وليه الحب معتش نابع من القلب زي زماان....؟
ده حسب الشخص اللى بتحبه يعنى تطلعاته وما ينتظره منك وهل عنده عاطفة ولا المادة طاغية ومغطية على كل حاجة
وليه لما تيجي تحب حب صادق حبيبك يجرحك................؟
ممكن ده يكون تهاون من الشخص نفسه وحبيبته بدل ما تقدره تستغله وده مش هيبقى حب صادق إلا من طرف واحد وقلته أحسن
يا رب أكون وفقت فى إجاباتى يا فارس وتلاقى فيها اللى كنت بتدور عليه وأشكرك على أسئلتك الجميلة واللى بتشغل ناس كتير ويمكن يحرجوا من مجرد طرحها للنقاش