امتحان السفارة للحصول على الجنسية المصرية

صباح الفل حبايبي الأعزاء
يشترط لدخول الامتحان ان المتقدم يكون معاه كل أدواته اللازمة : قلم رصاص – أستيكة (تحسباً للأخطاء الكتيرة) - اثبات شخصيتك (تذكرة اوتوبيس – مفتاح الشقة – كارت تليفون مينا تل – عملة مصرية - أي حاجة)

في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح)

السؤال الأول:اختار من بين الأقواس الكلام الصح:

1- حنان ترك اتحجبت يعني............ (لبست جزمة - لبست ساعة - لبست ايشارب)

2- اللي بنى هرم خوفو............ .(طلعت مصطفى - المقاولون العرب - مقاول أنفار - خوفو)

3- اللي بنى..بنى مصر كان في الأصل......(حلاق - نجار - تاجر مخدرات - حلواني)

4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............ (يا ماما - يا بابا - يا خالو - ياريس -يا جريمة- يا مصر)

5 - مصر هى أمي نيلها جوا...........(عبي - بطني - رجلي - جيبي - دمي)

6- رئيس مصر القادم السيد......(جمال مبارك - جمال مبارك – جمال مبارك - كل ما سبق)

7- ابو تريكة هو ....(مدرس - تاجر شكاير اسمنت فاضية - لاعب كرة - تاجر مواشي)

8- يا حضرة العمدة ابنك حميدة حدفني بالـ .... (معدية - السفندية - المية المعدنية - المهلبية)

9- اشهر مغني مصري هو عبدالحليم .... (دياب - حافظ - سموزين - فؤش)
السؤال الثاني:أكمل الجمل الآتية بكلام م الآخر:

1- انتبه من فضلك السيارة ترجع إلى............ ......... ...

2- ماما زمنها............ ......

3- من خلال تجاربك السابقة...البامبرز استيك منه............ .

4- طلعت أدّب نزلت أدّب لقيت الدب بيأزز............

5- اسم والد اللاعب وائل جمعة الحاج............ ..

6- دا شاب هيهي ، بيروح و ......

السؤال الثالث:ضع علامة صح أو علامة غلط أمام الكلام الجاي:

1- بابا فين؟؟ ..بابا هنا..قوله مين؟؟ قوله عمو ( )

2- الشرطة دائما في خدمة الشعب ( )

3- أذان المغرب في رمضان بصوت 'طارق نور' ( )

4- شاي الجوهرة حتة سكرة ( )

5- ميلودي تتحدى الملل فعلا ( )

الامتحان دة صعب اوى يا برنس انا حجاوب بس بقى عايزة جنسية حلوة كدة وجديدة وبتلمع

هههههههههههههههههه

السؤال الاول
1- لبست ساعة

2-المقاولون العرب

3-حلاق

4-يا جريمة

5- عبى

6- كل ما سبق

7- مدرس

8- المية المعدنية

9- فؤش

السؤال التانى

1- الامام

2- سودانى

3- ماشية

4- عبد الله

5- علية

6-وميرجعش

[center]السؤال التالت

1-x
2- x
3-x
4-x
5- x

فى انتظار الجنسية الماليزية

[/center]

» ستيف بروس: ذكى جاهز للحصول على الحذاء الذهبي
» السفارة فى العمارة -عادل امام
» للحصول على نضرة عين صافية دون هالات سوداء , لجمال عينكي........
» اغنية فيلم السفارة فى العمارة كولتى حلوة
» الفيلم السياسي الكوميدي الرائع جدا للنجم عادل امام السفارة في العمارة بجودة مميزة بحجم 378 ميجا علي اكثر من سيرفر