اعرفى خطيبك من طريقة اكله.........

اقتباس :

1- إذا كان عادي يعني لا بياكل بسرعة ولا ببطء ولا دايمًا شبعان ولا
مفجوع على طول.. يبقى شخص معتدل في عواطفه
وقراراته ويبقى ده آخر
الرجال المحترمين..

كلبشي.. واستعجلي الزفاف والحياة هتبقى بمبي



2- إذا كان بيحب الأكل زي عينيه.. وأول ما يدخل من الباب وقبل ما
يقول لك ازيك يقول لك ريحة التقلية تجنن ياروحي إنتوا عاملين ملوخية
على أرانب؟؟.. أموت أنا.. ويقعد ياكل ويحشر لحد ما يغمى عليه..

يبقى إنسان طفس.. وهوائي..

وطايش.. وأوعي تتجوزيه أحسن ياكلك وانتي نايمة....؟؟




3-أما إذا كان مش مهتم بالمرة.. لايقولك ده حلو ولا ده عادم ولا
مالح ولا مستوي ولا لسه ني ولا بيعلق أي تعليق.. وعمره مايقولك جعان
أو شبعان

يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..
وهاتعيشي إنتي الراجل والست ف وقت واحد واعملي حسابك هاتركبي وتدلدلي
رجلييكي.

4- أما إذا كان بياكل زى مايكون حد بيجري ورااااه وساعة الأكل
بيجيله حالة صرع معوي.. ويقوم من ع الأكل قبل أي حد تاني.

يبقى متسرع.. ومتهور في اتخاذ قراراته وممكن بعد الجواااز يكتشف إنك
لستى ملهمته..ولستى فتاة أحلامه ولستىِ حلمه.. ويروح مطلقك بالتلاتة..
إخلعي إنتي بدري أحسن لكرامتك.



5- أما إذا كان بياكل على مهله.. ويمزمز.. ف كل صنف لوحده.. ويسأل
عن كل صنف إيه مقاديره ومعمول إزاااي ويقعد يستطعم ف الأكل من العصر
للمغرب .

حاسبي منه يا اختي ده النوع اللي له مخ.. وبيوزن الأمور بطريقه تفقع
المرارة.. ولو في يوم طلبتي منه يقولك كلمة حلوة هايقولك مش عامل
حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي
إيه؟؟
نظااااام شلل رعاش

بدري.... بدري....

إخلعي يا أمي...



6- أما إذا كان بيقعد يقطع ف الأكل زي مايكون ف خناقة ويخبط ف الطبق
من الغل.. ويقطع حتة اللحمة زي ما يكون بيدبحها.. ويتفتف.. ويتكلم..
طول ماهو بياكل لما يغرق وشك أكل..

ده شخص عصبي جدًاااا.. ومع أول خناقة هايروح مناولك بالكرسي ف راسك أو
بالسكينة ف عينك يعمل لك عاهة مستديمة وبعدين.. يهدى.. ويقول لك:
"سوووري يا روحي هي جت فيكي.. ماعاليش"

""ماعاليش برَّه يا حبيبي وخد الباب ف أيدك""



7- أما إذا كان دايمًا قرفاااان دايمًا مش عاجبه العجب ولا الصيام ف
رجب.. يع..

الملوخية تقيلة.. ياي.. السمنة كتيرة على وش الشوربة.. ياساتر.. دا
محشي ولا صوابع
مووووز.. أووووف.. الرز محصويل.. يامَّه المكرونة
معجنة..

إذا كان كده توكلي على الله وهاتي أحمى ساطووووور عندك وأنا أعرف لك
واحد محامي هايطلعك منها زي الشعرة م العجيييين



والأحسن من ده كله.....

مالها القعدة ف بيت أبووووووووكي؟؟

والأحسن من ده كله.....

مالها القعدة ف بيت أبووووووووكي؟؟

فعلا والله عندك حق مالها القعدة فى بيت ابويا

بجد موضوع جميل مووووووووووووووووووت

ميرســــــــــــــــــــــــــــى يا روفى

عندك حق مالها القعده فى بيت ابوكى
ميرسى يا نور يا قمر على مرورك

ههههههههههههههههههههه

خلو بالكم انتو بتشتمو فينا وايه طفس ديا يا سمسمه داحنا غلابه يا جماعه البنات دول يخربو البيت

ده البنات برضه
ركز شويه يا بسام واعرفو انتو بتعملو ايه كويس

هههههههههههههههههههههههههه

لا بجد انتو يا صنف البنات يتخاف منكم
ههههههههههههههههههههههههه

يجنن يا اسراااااااء بجد رهيب حلو اوي
تسلم ايدك

موضوعاتك كلها زى الشربات يا إسراء .. وده ما يمنعش إن طريقة الأكل فعلاً بتكشف عن حاجات كتيرة فى طباع العريس أو العروسة ولابد من شوية عزومات فى بيت العريس أو العروس وملاحظة دقيقة للتصرفات وصدقونى هتفهموا حاجات كتيرة حتى من طريقة التعامل بين أفراد الأسرة الواحدة وربنا يرزقكم كلكم بعرسان معتدلين

حلوه اوي الموضوع ده يا اسراء كل الشباب بتحب الاكل با شكل رهيب ههههههههههههههههههههههههههههههههههههههههه

مشكورين يا امانى ويا مايا على مروركم
ومشكورة جدا يا تويتى على مرور ك ورأيك

بروفيشنال توبيك


ههههههههههههه

تسلم ايدك

ميرسى على مرورك يا روميو