وصايا زمان وانهارده

الوصايا العشر لماما ستو زمااااااان وماما تتــــــو دلوقتــــــــى:

وصايا الام لابنتها يوم زفافها هى الميراث الحقيقى الذى تتركه كل ام فى
هذا اليوم المصيرى لابنتها..لكن هل اختلفت وصايا ماما زمان وماما الان..
=======< وصايــــا مـــامـــا تتـــــــو النهـــــاردة:-كل صغيرة وكبيرة تحصل فى البيت قولى لى وانا هاتصرف معاه
- اوعى تسمعى كلامه وتطاوعيه احسن يفتكرك حيطة مايلة ويركبك ويدلدل رجليه
- جوزك يبقى خاتم فى صباعك تحركيه زى ماانتى عاوزة وتمشى قدام وهو راكى
- اوعى تخلفى منه قبل ماتطمنى له وتضمنى حقك
- جيوبه استولى على اللى فيها او باول وان خلص اللى فيها قولى له اتصرف وهات
- حماتك مالهاش حكم عليكى شيليها وارميها من الشباك واوعى تتدخل فى شئونك..... هى سايبة؟

- مفيش احسن من الاكل الجاهز اوعى تضيعى وقتك فى الطبيخ ووقفة المطبخ .
ريحتك تبقى توم وبصل وتفسدى الباديكير والمانيكير.. علشان خاطره.طـــظــــ
فيـــه
- كل ما تشوفى حاجة نفسك فيها خليه يجيبهالك انت مش اقل من اى واحدة
- حاولى تعملى عيانة وتعبانة علشان مايطلبش منك حاجة فوق طاقتك ويهتم بصحتك ويساعدك فى شغل البيت
- لو زعلك او قال حاجة تمس كرامتك سنطة هدومك تلميها وعلى بيت باباكى عدل, ان شالله توصل للطلاق مايهمكيش يروح كلب ييجى عشرة.

=======< وصايــــا مـــامـــا ســـــتـــــــو زمـــــــآن:
- بابك يتقفل عليكى وسرك لا يخرج من دة الباب لانه لو خرج البيت يتهد
- اسمعى كلام جوزك واوعى صوتك يعلا عليه
- جوزك يقوللك يمين يبقى يمين , شمال يبقى شمال. مطرح مايحطك يلاقيـــــــكــــــى
- اغلبيــــــته بالعيــــــــال يغلبك بالمــــــال
- عيشى على قد حالك ولا تلحى عليـــــه بكلمة هات.....هات
- حماتك شيليها فوق دماغك وعامليها كأم ليكى واهل جوزك هم اهلك ولو حماتك قالت لك حاجة اعمليها على طوووول هى دى الخير والبركة

- اقرب طريق لقلب جوزك معدته عوديه على أكلك عمره ماياكل بره ابداااا
ويميز نفسك وطبيخـــــك من بين مليون صنف ولا ياكل الا من ايديكى علشان
يعرف انك خايفة على ماله ومعدته
- متبصيش لعيشة غيرك
- جوزك يحبك
دايما عفيـــــــة ومايحبش يشوفك دايما راقدة وعيانة مهما يكون فيكى , اول
مايدخل من باب البيت قومى بسرعة حمــــــرى خدودك واضحكــــى له
-
اياكى تغضبى او تسيبى بيتك لاى سبب من الاسباب مهما اساء لك جوزك, والست
المحترمة اللى ماتسيبش بيت جوزها الا وهى محمولة الى القبر.....

دة الفرق بين نصايح ماما زمان لبنتها وماما دلوقتى لبنتها
ياترى ايه اللى حصل خلى النصايح تبقى كدة دلوقتى مع ان دى ام ودى ام ونفس المناسبة
وياترى انتو يابنات رايكو ايه؟ ولاى نصايح تختارو.؟
شاركونى الراى وقولولى ايه الاسباب اللى ممكن تخليكو تختارو نصايح زمان او نصايح دلوقتى
واللى خلت الامهات تعمل كدة دلوقتى
فى ظل العنوسة المنتشرة كمان