السفر مع النجوم

بسم الله الرحمن الرحيم

-

من حوالي ال20 يوم كان براس المنتدى اعلان عن رالي عم ينظمه نادي السيارات السوري تحت اسم اكتشف سوريا...وضفنا عالاعلان كلمة "رالي كل العائلة"


كان الي الشرف انا و مجموعة من الشباب انو نكون من ضمن طقم المارشلية الي بيساعدو النادي بتنظيم هالسباق.

رح نحكي شوي بشكل رسمي عالسباق الي صار و تنظيمه
ورح كمل كلامي كأبو البيس لأحكيلكن عن هال5 ايام الي عشناها سوا نحنا الشباب بهادا الرالي الي اذا بقدر اطلق عليه كلمة معبرة و حقيقية..فرح تكون "الرالي الأكثر متعة على الاطلاق".

-

بين الكواليس كان المارشلية على استعداد تام لتنفيذ مهامهم قبل اسبوع أو أكثر ، بعد الاجتماع وتوزيع النقاط والمهام بينهم بمركز نادي السيارات السوري بدمشق.

أما من وراء الكواليس فقد كان المنظمون يعملون ليل نهار منذ وقت طويل من أجل الوصول الى سباق عائلي سياحي رياضي ناجح يرفع اسم النادي واسم سوريا عالياً ، خاصة وأن هذا النوع من السباقات لا يحصل الا هنا...بأرض سوريا.

رالي اكتشف سوريا الثاني نجح وباستحقاق...وهو تكملة لباكورة النجاحات التي يحققها نادي السيارات السوري الذي يُشهد له تميزه بتحقيق النجاحات في كل سباق أو منافسة يقوم بتنظيمها..من سباقات السرعة الى تسلق الهضبة الى اكتشف سوريا وغيرها من النشاطات الأخرى.


كان الانطلاق من داخل نادي بردى في صباح يوم الأربعاء 28/4/2004
وكانت النهاية على مشارف آثار تدمر التاريخية يوم السبت 1/5/2004
أما العودة ...فكانت بتاريخ 2/5/2004 أي بعد 5 أيام و 4 ليال بربوع الأراضي السورية المختلفة.

كان برنامج اليوم الأول هو الانطلاق الى صيدنايا ثم معلولا ثم قلعة الحصن التي تبعد عن حمص بضعة كيلو مترات والتي كانت هي أول نقطة نقضي بها أول أيامنا بهذا الرالي أنا و زميليّ دندون وسون.
كان المكان مميزاً حيث انا توقفنا مباشرة بجانب باب القلعة العملاقة




ومكرو رايح ومكرو راجع و بائعي أفلام الكمرات هلكو سمانا وأغلق الطريق عدد من شوفيرية الباصات المعلمين الذين كانوا يقلون الأفواج السياحية المختلفة من مختلف المناطق.


بصراحة اعتقدت ان المهمة يومها كانت صعبة ولكنها كانت رحمة (ادام المنصورة) التي سنأتي على ذكرها لاحقاً.

أبرز ما ميز هذه المرحلة..الجمل.


حيث ان هذا الجمل ..تصور مع مشاهير التلفزيون المصري..
ماخلى الفنان المنتصر بالله و الفنان سامح السريطي و أيضا الدكتور يحيى الفخراني ..


بصراحة..كان مميز جداً.
مو بس هيك..
قبل ما يجوا المتسابقين...كان النا حوارات طويلة حول هذا الجمل...


المتسابقين انقسموا لفئتين...
فئة عادية
وفئة الشخصيات المهمة ...في أي بي يعني.VIP
متل الصورة.......اتحاد اوربي


الشخصيات العادية ضمت عائلات سورية و عربية شقيقة..من الأردن و الخليج و لبنان.
بالاضافة للمتسابقين من شركة الخليوي السورية 94

أما الفي أي بيس فكانت مجموعة بتضم الفنان يحيى الفخراني وحرمه، الفنان سامح السريطي، والفنان مونتي...أصدي..المنتصر بالله، بالاضافة للفنانة دينا الحايك وأخوها السيد داني الحايك.

وفي عدد من ال في أي بي كمان بس يعني مو فنانين...الهن شغلة تانية.

كان من المفروض يجي الكابتن منصور مفتاح لاعب المنتخب القطري السابق ..سابق...سابق.. بس الهيئة كان في ظروف منعتو عن الحضور.


بعد ما انتهينا من النقطة تبعنا.وكسر سون مراية المكرو تبع كابتن...
كما في الصورة





توجهنا مباشرة للمطعم الي وصلنالو متأخرين بس حضرنا وحضر واجبنا ...وأكلنا الفطور العجيب الساعة 2:30

تصورنا شوية صور قبل ما نتوجه لمنتجع مشتى الحلو الي كان المرتب النا انو نقضي فيه سهرة اول يوم و النومة فيه.






مرينا بمرتفعات و مناطق خيالية.

قدرنا بما انو نحنا ما كنا ماشيين مع أي جروب تاني..انو نوقف ونلتقط صور ..بتصور انو رح تكون للتاريخ لأني مارح أعرف اوصل لهنيك مرة تانية...

كمان شوفو الصور:



وصلنا لمشتى الحلو
المنتجع الحلو

وتسلمنا المهاجع...يعني الغرف والشاليهات
وانطلقنا للنوم
بعد يوم طويل ...
كانت صارت الساعة شي 5 المسا وقت كل واحد حط راسو ونام.


كان بغرفتي شخص يدعى بدندون .
وللأسف نام بقرب غرفتي عالقاعد..شخص يدعى بالكابتن
وكلهم أعضاء منتسبين لشباب أون لاين ...
الله وكيلكن يا جماعة الخير حرموني النوم

ستنو لامسح دموعي...

هادا دندون كان عم يطلق العنان لحنجرته الذهبية ..لاطلاق السمفونيات الماسية ..وكان الكابتن عم يرد عليه بالمثل...
يعني كان الشخير ..ستريو!

المهم انا ما قدرت نام ولا شوي..
طلعت و قضيت وقتي عم اصفن بالمنظر الخلاب و المدهش...
منظر الجبل الأخضر و غياب الشمس...