اولاد الشوارع

موضوع: اولاد الشوارع الإثنين يناير 05, 2009 2:48 am

هل تشعر بأنك فى محنه؟!

هل تتخيل أن مشكلتك أكبر مشكله وجدت على الأرض؟!

بداخلك يأس واحباط والحلقه تضيق حول رقبتك فتختنق اكثر واكثر؟!

هل تريد حل لكل هذا؟!

أتعرف ماهو؟

اولاد الشوارع 125vh6wv7

بكل بساطه أن تشعر بالام الاخرين

أن تنظر لمعاناه من لا يوجد ليهم مأوى من لا يجدون حتى لقمه صغيره ليسدوا بها جوعهم

قهرتهم الظروف جعلتهم يفترشون الارض ويكون غطائهم السماء

اجبرتهم ليكونوا فى نظر المجتمع مجرمين لا يهتم بهم احد كأنهم بعض القمامه التى وضعت بجانب الطريق وننظر لها

بأشمئزاز بدون أن نفكر لحظه واحده لماذا لا نضعها فى مكانها الصحيح

اولاد الشوارع 125vh6wv7

هل تعلم عن من اتكلم ؟!

{ انهم اطفال الشوارع}

اولاد الشوارع 050ff6us0

عندما تعلم مشاكل هؤلاءوقتها فقط ستقول ما أصغر مشلكتى .

هنا أسأطلعكم على حوار بسيط مع طفل من اطفال الشوارع وهو موجود فى احدى الاصلاحيات التى ترددت عليها لعمل

بحث خاص .

سأتعمد ان اكتب لكم الحوار بنفس الاسلوب العامى الذى تحدث به الطفل لتشعروا بما داخله كأنسان له الحق فى أن يتعامل

كأدمى وليس كحيوان!

اولاد الشوارع 125vh6wv7

_أسمك ايه؟

_ اسمى فريره

_ طيب وهو فى حد يبقى اسمه كده

_لا انا اسمى محمد بس ده اسم الشهره وبيقولولى كده علشان انا فريره فى الزوغان

_ الزوغان من مين؟

_ يعنى من البوليس من اى حد اخدت منه حاجه وجريت

_قصدك اى حد سرقت منه حاجه وجريت

_ ونعمه يا ست انا ما بسرق عشان حاجه وحشه انا بأكل امى واخواتى

_طيب وهو اللى عايز يعمل حاجه خير زى دى يعمل حاجه حرام خالص زى السرقه

_وربنا انا اشتغلت شغلانات كتير بس كل مره صاحب المحل يضربنى ويمشينى طب اجوع

_لا بس تدور على شغل تانى وتالت

_وابويا يا ست ده لو ما رجعتش البيت ومعايا برزتين بيفضل يضربنى للصبح اصله صاحب مزاج لمؤاخده

وانا اللى بصرف على البيت عشان امى بتتعب اوى من شغلانه البيوت انا برايحها وربنا

_بس يا محمد انت بتعمل شىء غلط وحرام ولازم تفهم انك لما اتقبض عليك اكيد والدتك قلقانه عليك

_طب يا ست وانا يعنى حعمل ايه اضرب الارض تطلع بطيخ

_ انا ما قلتش كده انا قلت انك تحاول لما تخرج من هنا تغير من حياتك

_انا كل شويه اخرج وادخل تانى ومش لاقى حل. يا ست معاكى جنيه؟

_وهى مشكلتك دلوقتى هى الجنيه ده انا ممكن اديك اكتر بس ده مش حل

_ونبى يا ست ما تبرجليلى مخى اهو كل حبه حد منكم يجى يقولنا كلام كتير زى ده ويمشى

_انا عارفه ان ماحدش فينا قدر يعمل اى حاجه انا نفسى ما قدرش اوعدك انى اساعدك انت وغيرك

_انتى حطلعينى فى التليفزيون؟

_لا انا بعمل بحث فى الكليه

_ ربنا يخليلك ابوكى اللى وداكى تتعلمى يا ست

_ محمد انا عايزه منك حاجتين اول حاجه تنسى اسم فريره ده لان اسمك احلى كتير تانى حاجه انك تحاول تفهم ان السرقه حرام وانك لو

اشتغلت بالحلال ربنا حيقف جنبك ويسعادك علشان انت كمان تعرف تساعد اهلك وربنا معاك

اولاد الشوارع 125vh6wv7

تعتقدوا دى غلطه مين البلد اللى اصبح شعبها معظمه بيتسول بكل انواع الطرق المشروعه والغير مشروعه!

اطفال الشوارع دول اللى بيكبروا بيبقوا مجرمين مسئوليه مين؟

احنا كشباب ايه دورنا فى كل ده؟

اسئله كتير ياريت حد يقدر يجاوب عليها

اولاد الشوارع Pic12ov8to6

لو درى الإنسان عن هم غيره لهان عليه همه وأحس بقيمة ما بين يديه