الصين -جوانزو

موضوع: الصين -جوانزو الجمعة نوفمبر 07, 2008 1:14 pm

:: لمشاهدة جميع الرحلات السابقة اضغط هنا::
صباحكم فل
وكل عام وانتم بخير
ادري طولت عليكم هالمره يمكن سنه ماكتبت رحله بس حبيت اريحكم شوي مني
هذي رحله كانت قبل سنه وهي امتداد لرحلة سيرلنكا وهونج كونج ومكاو
رحلتنا هالمره لبلد العجائب الصين
كانت الصين الوجهه الرئيسيه لرحلتنا
كان عندنا ثلاث خيارات للوصول لمدينة غوانزو القطار - الباص - الطائره
بعد التشاور قررنا السفر بالقطار
اخذنا تكسي ورحنا لمحطة القطار كانت محطة القطار منظمه ومرتبه قصينا التذاكر وكانت قيمة التذكره ذهاب وعوده 400 دولار ختمنا جوازاتنا وركبنا القطار كانت مدة الرحله
ساعتين تقريبا قبل ندخل حدود الصين وزعوا علينا كروت دخول عشان نعبيها وكانت الاسأله كثيره وغريبه كان واحد من الاسأله عن الامراض اللي فيك لازم تكتبها قال خويي ليه
يسألون عن الامراض قلت الظاهر فيه طبيب يبي يمر علينا ويكشف لكن هذي فرصتك اذا فيك شي اكتبه الصين -جوانزو Smile_teeth

الصين تحتاج تأشيره لدخولها انا اخذت الفيزا من البحرين خلال ساعتين وقيمتها 240 ريال واذا منت مستعجل تقدر تاخذها خلال 4 ايام بسعر 120 ريال
لكن بسبب اولمبياد بيجن 2008 صارت معقده جدااااا وصعب الحصول على فيزا وشروطهم تعجيزيه لكن ممكن يفتحون المجال في شهر اكتوبر
الصين -جوانزو Guanzoho97

كانت اول المدن الصينيه اللي وصلناها مدينة شنزن مدينه كبيره وتشتهر بمصانع الالكترونيات وصلنا بعد ساعتين لمدينة غوانزو بعد اجراءات الدخول مرينا على مكاتب حجز
الفنادق وشفنا هناك شي عجيب متعودين على مكاتب الحجز عندنا اذا كثروا 5 مكاتب ولا فيها احد بعد هناك ماتشوف اخر المكاتب وتلقى المكتب يشتغلون فيه 20 موظف
اخترنا مكتب من المكاتب وشوي الا يوم جا مديرهم قال ياسلام وين باقي الموظفين لعنبو ابليسك 20 موظف في كشك صغير وتقول وين باقي الموظفين اجل كم عددهم الصين -جوانزو Smile_confused

المهم عطيناهم اسم الفندق اللي نبي نحجز فيه لكن عرضوا علينا فندق غيره قالوا هذا افضل واذا ما اعجبكم نوديكم لفندقكم قلت لخويي وش رايك قال نشوف اتفقنا معهم وكان
التوصيل مجانا قالت الموظفه تعالوا وراي وركبونا فان صغير ومشينا من المحطه وبعد ربع ساعه وقفنا عند فندق شكله مناسب ونظيف وتقريبا يتكون من 25 دور
ونفس الشي لقينا الرسبشن فيه 14 موظفه بس للاسف ولا وحده تتكلم انجليزي قلنا هذي البدايه الله يستر
قلنا نبي نشوف الغرفه وطلعنا وشفنا الغرفه كانت مناسبه بس قلت لخويي خلنا نساومهم شوي قال اوكي
قلت لهم الغرفه ماتصلح خلاص ودونا الفندق اللي نبيه قالوا لييييييه قلت الغرفه صغيره وجلسوا يتشاورون وبعدين قالوا بنعطيكم غرفه بنفس السعر
بس اكبر قلت نشوفها بعد ماشفناها قلت لا لا خلاص ماعاد نبي قالوا طيب تعالوا بنعطيكم احسن جناح عندنا والنت مجانا وفعلا كان جناح فخم
قلنا خلاص كان سعرها تقريبا 280 ريممبي
ريحنا شوي بس كالعاده خويي قال انا جوعان قلت انزل للمطعم نزل وشوي وهو راجع قال ماش مطعمهم مايصلح قلت انزل دور مطعم برى
راح وبعد نص ساعه رجع وقال الحققققققققق قلت خير؟
قال تعال بوريك شي يوم نزلنا الا والله تقول ساكنين بتنزانيا ماهو الصين الصين -جوانزو Smile_sniff

خوال بكل مكان شسالفه قال والله مدري
والله البلشه وش الحل هالحين وهالناس مافيه احد يتكلم انجليزي ابد
اخذت الجوال واتصلت على واحد من الشباب دايم يروح للصين وقلت له افزع متوهقين ترى قال خلاص هذا رقم صديق لي كلمه وبيساعدك
اتصلت على الرجال وقال وين ساكنين؟ قلت والله مدري بس كلها افارقه حارتنا قال طيب وقف لك تكسي وعطه الجوال اكلمه
قلنا اوكي وقفنا تكسي وجلس يتكلم ويأشر بيديه وانا أشر على الجوال يعني بخليك تكلم واحد الرجال جلس يهز راسه قال خويي فهم؟
قلت فهم طل ترى بيودينا لمجمع اتصالات هالحين الصين -جوانزو Smile_teeth

اتصلت على خوينا وعطيت الجوال صاحب التكسي وتفاهم معه وقال خلاص قلت له يوصلكم لمطعم عربي وهناك تقدر تصرف فلوس
قال اذا وصلتوا المطعم فيه واحد اسمه فهد بيساعدكم مشينا وبعد 10 دقايق وصلنا للمطعم ونزل خويي وراح لمحاسب المطعم قال انت فهد
قال ايه قال عطني 25 ريممبي الصين -جوانزو Smile_teeth

وعطاه من دون مايسأله ليه وحاسبنا التكسي ونزلنا

الصين -جوانزو Guanzoho48

جمهورية الصين الشعبية واسمها المختصر الصين تقع في شرق آسيا مساحتها حوالي 9,6 مليون كم وتعتبر أكبر دولة آسيوية مساحة وثالث أكبر دولة
في العالم بعد روسيا وكندا وتجاورها برا كوريا الشمالية ومنغوليا شمالا وروسيا من جهة الشمال الشرقي وكازخستان وقرغيزستان وطاجيكستان من جهة الشمال الغربي
وأفغانستان وباكستان والهند والنيبال وبهوتان من جهتي الغرب والجنوب الغربي وبورما ولاوس وفيتنام جنوبا كما تواجه بحرا كوريا الجنوبية واليابان والفلبين وبروني وماليزيا
واندونيسيا من جهتي الشرق والجنوب الشرقي
الصين -جوانزو Guanzoho47

[size=16]وهذا النشيد الوطني الصيني
الصين -جوانزو Smile_teeth

انهضوا يا من ترفضون أن تكونوا عبيد>>>الظاهر يقصدون الحي اللي جيناه
من دمنا من لحمنا نبني لنا سورا عظيما جديد
الأمة الصينية اليوم تواجه الخطر الأكبر
من كل صدر يتعالى زئير غاضب
انهضوا انهضوا انهضوا يا ملايين الشعب بقلب واحد
مدافع العدو لا نهابها تقدموا
مدافع العدو لا نهابها تقدموا
تقدموا تقدموا تقدمو[/size]
[size=16]الصين دولة متعددة القوميات حيث يوجد56 قومية مثل قوميات هان ومنغوليا وهوي المسلمة والتبت والويغور ومياو ويي وتشوانغ وبويي وكورية
ومنشوريا وأتشانغ وتشيانغ>>>ماهيب قوميات هذي شكله واحد يعاطس الصين -جوانزو Smile_teeth

وجينغ وجينغبوه وهاني وخه تشه الصين -جوانزو Smile_sniff

وباوشان وقهلاو والقازاق والفرغز ولاهو ولي ولي سو ولوبا
وماونان ومولاو ومن با وناشي ونو وألونتشون وأونكه وباي وباو آن وشه وبنغ لونغ وبولانغ وبومي وشوي وروسية وداوه أر وسيبو وسالا وداي والتاجيك والتتار وتو وتوجيا
ودولونغ وتونغ ودونغ شيانغ والازبك ووا وياو ويوي قو[/size]
الصين -جوانزو Guanzoho80

[size=16]خريطه توضح حدود الصين
وتوجد في الصين 137 مدينة سياحية على مستوى الدولة منها شانغهاي وبيجن وتيانجين وتشونغتشينغ وشنتشن وهانغتشو وداليان ونانجينغ وشيامن وقوانغتشو وتشينغدو وشنيانغ
وتشينغداو ونينغبو وشيآن وهاربين وجينان وتشانغتشون ولاسا
مدينة بيجن عاصمة الصين والمركز السياسي والثقافي فيها تقع في شمال منطقة السهول الشمالية للبلاد وعلى نفس خط العرض مع مدينتي روما الإيطالية ومدريد الإسبانية[/size]
الصين -جوانزو Guanzoho98

[size=16]غوانزو مدينه تجاريه تقع في جنوب غرب الصين وتعج بالاسواق والمجمعات التجاريه عدد سكانها حوالي 16 مليون نسمه[/size]
الصين -جوانزو Guanzoho90

[size=16]غوانزو لقطه اخذتها من قوقل ايرث[/size]
[size=16] الصين -جوانزو Guanzoho69

[/size]

[size=16]يعد نهر اليانغتسي أطول نهر في الصين وهو ثالث أطول نهر في العالم بعد نهر النيل في إفريقيا ونهرالامازون في أمريكا الجنوبية و النهر الأصفر ثاني أطول نهر في الصين
ويوجد العديد من الانهار مثل نهرهيلونغجيانغ وتشوجيانغ ولياوخه وهايخه وهوايخه>>>تقول اسامي طقاقات الصين -جوانزو Smile_teeth

[/size]

[size=16]اكبر انهار غوانزو اسمه زهوجانج او النهر اللؤلؤي[/size]
الصين -جوانزو Guanzoho5

[size=16]مع ان غوانزو فيها حوالي 16 مليون شخص الا انك ماتشوف الزحمه الا نادر [/size]
الصين -جوانزو Guanzoho6

[size=16]في غوانزو الاسواق متخصصه مثلا الالكترونيات كل المجمعات الخاصه بالالكترونيات جنب بعض ومجمعات الملابس في منطقه ثانيه ونفس الشي لمجمعات الاكسسوارات ومجمعات
الجلديات ومجمعات الساعات ومجمعات الملابس ومجمعات الالعاب ومجمعات الادوات الكهربائيه ومجمع النظارات ومجمع الهدايا والتحف ومجمع ادوات البناء وهذا افضل
لكن فيه مجمعات شامله[/size]
الصين -جوانزو Guanzoho40

[size=16]جراند فيو مول من اكبر المجمعات ويزوره يوميا 800 الف زائر ويوجد فيه فندق خمس نجوم ومكون من 48 طابق[/size]
الصين -جوانزو Guanzoho44

[size=16]كان فيه عرض ازياء وقت دخولنا المجمع
بعض المحلات تلاحظون حاطين ستاير على باب المحل ماتشوف شي او مغطين بعض بضايعهم بستاره والسبب عشان ماينسرق الموديل اللي عنده
او الديزاين اللي ابتكره هو لكن اذا تبي تشتري يقفل المحل بستاره ويوريك بالضاعه خصوصا محلات الجلديات[/size]
[size=16] الصين -جوانزو Guanzoho46

[/size]
[size=16]دخلنا مقهى داخل المجمع وكان فيه بنت تشتغل فيه تتكلم انجليزي مكسر قلت لها ليه انتم ماتتعلمون انجليزي وردت علي بسرعه وقالت ليه انتم ماتتعلمون صيني الصين -جوانزو Smile_sniff

قلت انا ماقلت لك تعلمي عربي انا اقول انجليزي واللغه الانجليزيه لغه عالميه قالت اللي يبينا يتكلم لغتنا احسها بغت تخمني بالصينيه اللي معها الصين -جوانزو Smile_teeth

[/size]

[size=16]احد مجمعات الالكترونيات
معروف عن البضايع الصينيه ان جودتها اقل من غيرها والحقيقه ان هذا غلط فيه بضاعه ممتازه لكن سعرها غالي حتى البضاعه المقلده انواع
ممكن تحصل شنطه من ماركة جفنشي مقلده لكنها ثلاث فئات كلاس اي وكلاس بي وكلاس سي طبعا كلاس اي ماتفرقه عن الاصلي ابد وسعرها غالي شوي[/size]
الصين -جوانزو Guanzoho75

[size=16]مجمع لبيع الملابس[/size]
الصين -جوانزو Guanzoho83

[size=16]هالمجمع بالليل شكل ثاني مع الانوار[/size]
الصين -جوانزو Guanzoho81

مجمع ملابس النساء من الداخل
مع ان المحلات صغيره لكن تشوف ان اللي يشتغلون فيها كثير تحس مالهم داعي لانهم مايتكلمون انجليزي واكثر الزباين تجار اجانب واذا سألتهم عن حاجه قالوا مني مني
يعني انت بتشتري كميه كبيره
الصين -جوانزو Guanzoho1

مجمع الالعاب وادوات الزينه
لاتتوقع ان السعر اللي يعطونك السعر الحقيقي للبضاعه وتأكد انهم رافعين السعر اقل شي الضعف ولازم تكاسر بالسعر
بعطيكم مثال دخلت مره مجمع الالكترونيات وكنت اسأل عن الفلاش مومري واول محل سألته قال لي80 ريممبي واكثرهم يضايقك يبيك تشتري غصب
وصرت اطلع من محل وادخل الثاني ولا اعطيهم سعر من عندي اسألهم عن اخر سعر بكم وصرت ادور على المجمع كله واطلع واروح المجمع اللي بعده
لين نزل السعر من 80 الى 19 ريممبي
طبعا مايبي لها كلام انت بالصين ونسبة الغش كبيره بس فيه بعض المحلات ينصحونك ويعلمونك الاصلي من المقلد واذا انت تبي تشتري كميه كبيره
خذ عينه وجربها بالفندق

لاحظنا ان الصين غيرت اسم العاصمه من بكين لبيجن ايام الاولمبياد لكن هالشي ماهو جديد هم يسمونها بيجن من زمان
نصحنا واحد وقال لايفوتكم بيجن رود قلت له وش معنى بيجن قال يعني بكين بس هم يسمونها بيجن والسوق هذا يقفل وقت متأخر تقريبا 10 بالليل

الصين -جوانزو Guanzoho86

[size=16]بيجن رود[/size]
الصين -جوانزو Guanzoho42

[size=16]عباره عن شارع مرصوف مخصص للمشاه فقط وفيه محلات ومطاعم ودايم زحمه[/size]
الصين -جوانزو Guanzoho88

[size=16]في اخر الشارع مطاعم صينيه ريحة اكلهم تجيب الغثيان الصين -جوانزو Smile_sniff

[/size]

[size=16]الصينيين الظاهر كل شي يتنفس ياكلونه مايعوق معهم شي خنفس بريعصي صرصور مافيه مشكله
اصلا الحلى حقهم عناكب هههههه شوفوا اللي بالصوره بالوسط [/size]
[size=16] الصين -جوانزو Guanzoho76

[/size]
[size=16]شوفوا الكافتيريا كيف[/size]
الصين -جوانزو Guanzoho41

[size=16]الشوارع تقريبا خاليه الى الساعه 6 المغرب بعدها يطلعون ملايين بالشارع من اعمالهم [/size]
الصين -جوانزو Guanzoho35

[size=16]وقت خروج الموظفين
كنا نمر على منتزه وحنا راجعين للفندق كل يوم وكانت مساحته اللي على الشارع صغيره ولاتشجع اللي يزوره لكن يوم من الايام قلنا للتكسي يوقفنا عنده
دخلنا المنتزه وشفناه شي ثاني اكبر من ماتصورناه بكثييييير
شوفوا الصور[/size]
[size=16] الصين -جوانزو Guanzoho20

[/size]
[size=16] الصين -جوانزو Guanzoho21

[/size]
[size=16]بنت تستعرض بالزي الصيني التقليدي[/size]

موضوع: الصين-جوانزو الجمعة نوفمبر 07, 2008 1:44 pm

[size=16]

[/size]

[size=16]لاحظنا العائله هذي واهتمامهم بالعجوز واظن انها جدتهم كانت تمشي شوي شوي وهم معها واذا وقفت وقفوا كلهم حسينا ان عندهم ترابط مع بعض[/size]
الصين -جوانزو Guanzoho13

[size=16]وحنا نمشي بالحديقه لقينا طياره ودبابه ومدافع قلت لخويي خلنا نبلغ الشرطه اتوقع ان فيه انقلاب والثوار داسين دباباتهم هنا الصين -جوانزو Smile_teeth

[/size]

[size=16]

[/size]

[size=16]تماثيل لبعض الحيوانات[/size]
الصين -جوانزو Guanzoho29

[size=16]البزر يلعب كرة الريشه وضرب واحد من الخوال طبعا مايبيلها كلام البزر تمردغ هههههه[/size]
الصين -جوانزو Guanzoho11

[size=16]وانا امشي لقيت هالشيبان يلعبون لعبه زي كرة الريشه لكن تلعب بالرجل والناس يحبون هاللعبه والظاهر من شروطها لازم يكون معهم عجوز الصين -جوانزو Smile_teeth

[/size]

موضوع: الصين-جوانزو الجمعة نوفمبر 07, 2008 1:46 pm

[size=16]حلوه حركة العشب[/size]
الصين -جوانزو Guanzoho18

[size=16]المنتزه كبير وكانت الرطوبه عاليه وخويي مايتحمل الرطوبه اللي يشوفه يقول عايش بجنيف الصين -جوانزو Smile_teeth

كانت ملابسه مبلله والناس يحسبونه طالع من البحيره قال انا برجع للفندق ومشيت الى اخر المنتزه واكتشفت ان البوابه الخلفيه جنب الفندق[/size]
الصين -جوانزو Guanzoho9

[size=16]مجموعه من الالعاب في وسط المنتزه[/size]
الصين -جوانزو Guanzoho19

Liurongمعبد الطويل
عمره اكثر من 1000 عام
يوجد في الصين اكثر من 30 الف مسجد
الصين -جوانزو Guanzoho78

كاثدرائية القلب المقدسِ
في الصين 4600 كنيسه
غوانزو ماهي مدينه سياحيه لكن فيها اماكن تستاهل الزياره مثل جبل باين اذا وصلته تكمل بالتلفريك وسعر التلفريك حوالي 45 ريممبي وفيه شلالات وحديقه خاصه
بالطيور وسعر تذكرة الدخول بحدود 15 ريممبي
بحيرة باين يوجد فيها قوارب للتنزه في البحيره
حديقة السفاري لكنها خارج غوانزو بعيده شوي لكن دخولها يكون بالسياره والحيوانات حره بدون حواجز وتذكرتها غاليه شوي 120 ريممبي
حديقة حيوانات داخل غوانزو وفيه بعض المتاحف والحدائق لكن المشكله كيف توصلها اذا عنوانها ماهو معك بالصيني انسى انك تجيها
الصين -جوانزو Guanzoho32

الأطباق الصينية مختلفة وأكثرها شهرة أطباق شاندونغ وسيتشوان وقوانغدونغ وفوجيان وجيانغسو وتشجيانغ وهونان وآنهوي
وهي أفضل ثمانية أطباق صينية
الصين -جوانزو Guanzoho7

مطعم سبأ صاحبه يماني اسمه علي يشبه الفنان احمد فتحي هههههههه ويشتغل معه اولاده وبعض الموظفين العرب والصينيين والصراحه ان المطعم جيد والاكل فيه لذيذ
خصوصا الخبز اللي يسمونه ملوح
صاحب المطعم عاش في جده حوالي 40 سنه وعياله من مواليد جده
وصلنا لغوانزو وقت مباريات كأس اسيا وكان في المطعم تلفزيون كبير ينقل المباريات طبعا المباريات كانت بالليل في شرق اسيا بعكس الخلييج كانت الظهر تقريبا
بعد ماوصلنا التكسي للمطعم دخلنا وشكرنا فهد وجلسنا وكنا جوعانين ولنا اسبوعين ما اكلنا اكل عربي نادينا اللي يشتغل بالمطعم وقلنا له وش عندك وجلس يعدد
الاكل ومن ضمن الاكلات لحم مدفون قلت اصبر اصبر وش لحم مدفون يعني تعطوني كريك واروح ادوره الصين -جوانزو Smile_sniff

قال لاوش كريك بجيبلك وجربه
طبعا جلسنا بالمطعم من الساعه وحده الظهر الى الساعه 11 بالليل الصين -جوانزو Smile_teeth

في المطعم عرفنا كل شي عن غوانزو طبعا من صاحب المطعم ومن التجار اللي يجون للمطعم وافادونا كثير وعطونا عناوين ونصايح كثيره
وكان فيه واحد صيني يصرف عمله للناس وكان يصرف مبالغ كبيره طبع ماصرفنا عنده الا بعد ماسألت كم واحد وقالوا الرجل ثقه اصرف عنده وانت مغمض
صرفنا من دولار الى ريممبي وكانت قيمة الصرف مية دولار 750 ريممبي وشريت منه شريحة جوال
طبعا فيه مطاعم عربيه كثيره منها مثلا مطعم التراس والمائدة والسدة والبيت الشامي وباشا والسندباد والرافدين وألف ليله وليلة ومقهى ليالي لبنان ومطعم البسفور
اليوم الثاني من وصولنا غيرنا الفندق وطلعنا من حارة الافارقه وسكنا في فندق قريب من المطاعم العربيه وكان سعره اغلى شي بسيط عن الفندق الاول بس بشكل عام
اسعار الفنادق في غوانزو رخيصه واعتقد افخم فندق مايكلف 350 ريال باليوم

موضوع: الصين-جوانزو الجمعة نوفمبر 07, 2008 1:49 pm

منظر لغوانزو من غرفتنا بالفندق
الصين -جوانزو Guanzoho95

نفس اللقطه لكن بالليل
الصين -جوانزو Guanzoho36

هذا درج الفندق اقول لخويي تصور يخرب المصعد وننزل من هنا قال والله ما انزل لو ايش
كنا بالدور 32 تقريبا
وبعد يومين تعطل المصعد هههههه وبدال ماينزل طلع 32 دور
الصين -جوانزو Guanzoho37

قطو صيني حتى مياو مايعرف يقولها
الصين -جوانزو Guanzoho84

كل يوم اشوف الفراغ اللي بالدرج واقول اكيد ماحطوه عبث وفعلا صار الفراغ للسياكل
الصين -جوانزو Guanzoho82

الصيني انسان عملي ونادر ماتشوف احد جالس وقت الدوام بدون شغل حتى بعض المحلات ادخل عندهم واشوف صاحبة المحل تخيط ملابس اذا مافيه زباين
الصينيين شعب مايحترمون الذوق العام وتشوفهم يتكلمون بصوت مرتفع ويضحكون بوجهك عادي وياكل قدام محله والله عاد من زين ريحة الاكل
نصيحه لاحد يدخل السوق وقت الغدا
كنت امشي باحد الشوارع الصبح ولقيت عجوز تصلح خبز شكله زي التميس وجلست اتفرج عليها قامت وعطتني قطعه قالت جرب
اكلت قطعه صغيره بغيت اضربها بالكاميرا على جبهتها كان فيه طعم غريب قلت والله شكله تميس بالخنافس
الصين -جوانزو Guanzoho38

تزوير العمله منتشر بشكل رهيب في الصين واي محل تحاسبه بعمله من الفئه الكبيره يجلس يفحص العمله
واكثر من يتعامل في تزوير العمله اصحاب التكاسي لان الراكب ماعنده وقت يفحصها
وطريقة فحصها سهله وراح تلاحظها من الارقام المكتوبه على العمله لانها تعطي اكثر من لون اذا حركتها لكن اذا ماتغيرت الوانها فهي مزوره
وحتى ملمس العمله المزوره يكون خشن شوي
لكن حنا دايم ناخذ معنا فكه عشان مايرجع لنا التكسي شي نعطيه حقه كامل والحمد لله مامرت علينا العمله المزوره
الصين -جوانزو Guanzoho94

سفن اب صيني
مره كنا نمشي على الرصيف الساعه 9 بالليل وزي العاده كل الصينيين برى بيوتهم اللي يلعب واللي ياكل واللي يسولف
وكان قدامي علبة بيبسي طبعا مايبي لها كلام لازم اشوتها بوز قدام هههههههههه
المهم بعد ماشتها بوز مادريت الا يوم قام واحد من الصينيي وقال امر وش تبي الصين -جوانزو Smile_confused

قلت انت اللي وش تبي
قال انت ناديتني
قلت ياخوي اصلا ماعرف اسمك
قال وش دعوه الا قايل اسمي الرباعي بعد الصين -جوانزو Smile_sniff

بعدين اكتشفت اني يوم شت العلبه بوز طلع اسمه من صوت العلبه على الرصيف خويي استانس على الحركه يوم شاف قدامه برميل دفه برجله يبي يستهبل بس المقرود مقرود طلعوا لنا شرطه قال ماشاء الله
الصين -جوانزو Guanzoho4

الصين بلد آمن وكنت امشي بوقت متأخر وسط حاراتهم وبين بيوتهم والوضع عادي
الصينيين شعب طيب ويحب المساعده لكن مشكلتهم اللغه واللي يتكلم اللغه الانجليزيه شبه معدوم واذا لقيت احد يتكلم انجليزي تكون لغته مكسره
ومثل وجهه>>>الله من زين التشبيه الصين -جوانزو Smile_teeth

في الصين التكاسي لها عدة الوان مثل اللون الاخضر والازرق والاحمر والوردي والبنفسجي بس الازرق افضلهم سياراتهم جديده
واول ماتركب راح تشوف ان العداد حسب عليك 4 ريممبي وهذ شي طبيعي
الصين -جوانزو Guanzoho93

في جوانزو 84 شركة سيارة اجره و16000 سياره
اذا واحد جلس يلف ويدور معك مع ان هالشي نادر بس اتصل على الرقم هذا وعطهم رقم التكسي
096900
وقلهم انا من طرف فايز>>>ايه هين الصين -جوانزو Smile_teeth

لاتحاول تتكلم مع صاحب التكسي ابد لانه ماراح يفهم عليك ولاتتوقع انه بيسكت راح يجلس يتكلم بالصيني لين توصل مع انه يدري انك منت فاهم بس تحس انه محد معطيه
وجه ويبي يفضفض لك هههههه
اهم شي اذا وصلت الفندق خذ كرت الفندق واذا خلصت من السوق او اي مكان وقف تكسي وعطه الكرت وراح يوصلك
وبالنسبه لباقي العناوين ماقصروا مطعم سبأ طابعين دفتر وفيه كل العناوين المهم مصل الاسواق والمجمعات والمساجد والمطار ومحطة القطار ومواقف الباصات واماكن
التنزه وعناوين السفارات يعني تروح للصين معك الدليل هذا ماتحتاج اجد ابدااا
هذا ملف مضغوط فيه دليل العناوين
دليل غوانزوا
الصين -جوانزو Guanzoho45

حاجز حديدي يفصل السايق عن الركاب تقول بسجن
الصين -جوانزو Guanzoho68

مره كنا راكبين تكسي وخويي جالس يستهبل ويخربط بالكلام مسوي نفسه يتكلم صيني مادرينا الا يوم مسك بريك بسرعه راعي التكسي خويي طبعا مايبي لها كلام
فتح الباب وانحاش وراعي التكسي فتح الشنطه واخذ مفتاح الكفرات لاحووول اثر مفتاح الكفرات لغه دوليه مسكت السواق وقلت عين خير يارجال ترى مايقصد
قال وش فيك؟ قلت انت ماتبي تفقع وجه خويي؟ قال لااااا ياخوي ماتشوف الكفر مبنشر الصين -جوانزو Smile_teeth

طبعا كنا نتردد على المطعم مرتين باليوم على الاقل وكنت افضل الطرق المختصره بعكس خويي
طبعا كان مروري وسط الحارات وكنت اشوف الصينيين على طبيعتهم حتى هم حفظوا وجهي وصاروا ينادوني اجي اتفرج على العابهم مع انهم مايفهمون علي
ولا افهم عليهم
الصين -جوانزو Guanzoho87

هالشيبان كل يوم امر عليهم وهم يلعبون اللعبه هذي ولايملون منها ومره قلت خلني اشوف وش سالفتهم جيت وجلست معهم
ويوم شافوني جيتهم جلسوا يتكلمون معي وانا مدري وش السالفه بس فهمت من كلامهم ان واحد من الشيبان هو اللي قاعد لهم ولاحد يفوز عليه
الصين -جوانزو Guanzoho34

تصوير جوال
الصين -جوانزو Guanzoho71

Sun Yat
بنيت عام 1930 وامامها تمثال الدكتور شين
ما انصح احد يجيب معه عمله غير الدولار لاتجي معك فلوس سعوديه لانك ماراح تلقى احد يصرف لك غير الدولار
واذا تبي تستخدم بطاقة الصراف دور بنك شاينا بس
خويي اخذ بطاقته وراح يجرب كل الصرافات مع اني قايله لاتصرف الا في شاينا بنك لكن مقرود راح ودخل بطاقته بجهاز خربان وسحبت بطاقته والمشكله ان البنك
مقفل لانه ويك اند عندهم
الصين -جوانزو Guanzoho72

هذي مشكلة الصين اللي يبيعون بالمحل اكثر من الزباين
هذا صف واحد بسوبرماركة في8 موظفات الصين -جوانزو Smile_sniff

خويي يقول خيييير وش فيه هذا قلت عادي صيني ماهو اصلي يمكن هنق ههههه
بعد 7 ايام غادرنا غوانزو والصين الى هونج كونج بالقطار ومن هونج كونج الى بانكوك وكولمبو واخيرا مطار البحرين
الصين -جوانزو Guanzoho79

محطة قطارات غوانزو

مرسى يا تويتى حلو اوى

ميرسى لك على ردك يا قمر وربنا يسهل ونسافر مع بعض رحلة حلوة زى دى