لو كنت وزير ال ؟ ياترا هتعمل اية

اللعبة دية يا جماعة كل اسبوع هختار وزير جديد والكل يدخل ويقول لو هوا كان الوزير دة يعمل ية ومشاريعة اية
وبعد مانخلص كل الوزراء بجد هحاول ابعت الافكار دية كلها لموقع الحكومة يمكن يخدوا بيها
احنا عاوزين نعمل فعلا فى الموضوع دة حاجة كدة زى حكومة تخيولية
على فكرة انها سمعت عمرو خالد قبل كدة قال فكرة مشابهه للفكرة دية قبل كدة من زمان فاللأمانة الفكرة مش فكرتى ........

ونبدأ بأول وزير
لو انت كنت وزير التربية والتعليم
اية مشاريعك
وهتعمل اية

اولا هظبط المدرسين علشان يشتغلو بنفس واعلىليهم الكادر
ثانيا هامر بلجنه تلف على المدارس وتعمل ليهم صيانه
ثالثا هخللى جميع المدارس الحكوميه كلها بزى موحد الابندائى بيج والاعدادى ازرق الثانوى رصاصى
رابعا اشكل لجان تطوير المناهج التعليميه وحجات تانيه كتير بس هى الوظيفه تيجى >>>>>>>>>

انا هخالى المدرس الحكوميه زى مدارس الغات والمدارس التجربيه

وغير نظام الامنتحنات يعنى الامتحنات النهائيه عليها 5% فقط من المجمع
والحضور والانشطه واعمال السنه واخلاق الطالب عليها 95%
وهدخل ماده سواقه العربيات فى الصف الثانوى ونعطى للطالب الرخصه عند تمام تعليمه
وبكده احنا نعلم الشباب القياده على ايدنا بدلا ميتعلمها هم ونشوف الحوادث من القياده الطائشه
من الشباب .

مبلاش عربيات خليها متوسيكلات الاول Laughing

الموضوع دة حلو اوى شبة برنامج وزارة ما تمت شكراااااااااا يا خالد

1-زيادة رواتب المدرسين
2- الغاء الدروس الخصوصية
3-راحة المدرسين وتوفير سبل الراحة عند تصحيح ورق الاجابة
4-فرد عقوبة على الطلبة المشاغبين واعطاء المدرس السلطة فى تائديب بس بتحضر
5-الاهتمام بمدارس المحافظات مثل الصعيد و غيرها

اهم حاجه الدروووووووووووووووس الخصوصيه
لو لغيناها المدرسين هيشحتم

لا ما احنا هنزودهم فى المرتب فاكدة يحدث تعادل ولا اية

نزوده ضعفين مش ضعف واحد ولو كان فيه ميزانيه جامده نزوده 3 اضعاف
انهم هم مربيين الاجيال

بردودكم ديه انا كدة فعلا اطمنت على وزارة التربية والتعليم - الكلام دة استحالة يتبعت لموقع الحكومة طبعااا
عربيات اية اللى نعلمها للعيال بتوع ثانوى هيا ملاهى - وكمان هى المشكلة فى الوان الهدوم
يمكن الرد بتاع شايننج ستار كان فى طريقة للاكتمال شوية
ياريت يا جماعة نحس اننا فى المنصب بجد

طيب عيزين نعرف رايك يا خالد

ايوه نطاااالب برايك يا خللود

خالد قال رية يا جماعة

انا رايى ان مهما زودنا راتب المدرسين مش حيبقى قد العائد عليهم من الدروس الخصوصية وبالتالى مش حيمتنعوا عن اعطاء دروس خصوصية

احنا ممكن نطور المناهج وطريقة العرض باساليب شيقة وجاذبة للطلبة بحيث انهم يكتفوا بالمدرسة وكدة الطلبة اللى حتمتنع عن الدروس الخصوصية

كمان زى ما قال aa7aa نخلى الامتحانات النهائية عليها نسبة من المجموع النهائى ويبقى للانشطة الطالبية وسلوك التلاميذ درجات فى المجموع النهائى عشان متبقاش المدرسة مجرد حضور وغياب وبس

وطبعا الالتحاق بالكلية يكون بالاختبارات الخاصة بالكليات مش بمجموع الثانوية العامة

ويبقى فى دورات تدريبة للطلبة على الغات والكمبيوتر

انا رايى من رايك كده يا نور

لو انا وزيرة التربية والتعليم

هلغى التعليم

لو أنا وزير التربية و التعليم أكيد هازود رواتب المدرسين و معاشاتهم و يبقى فيه مفتشين ع المدرسين يعنى اللى مش شايف شغله ف الفصل أو بيدور على دروس أو اللى يتثبت عليه فعلاً إنه بيدى دروس مع السلامة و يترفد نهائياً أما الطلاب المشاغبين ف المدارس و معتمدين ع الدروس الخصوصية هاخليهم يتعلموا منازل يعنى يقعدوا طول فترة الدراسة ف بيوتهم و مشوفش وشوشهم غير ع الإمتحانات و طبعاً لازم المدرسين أثناء تصحيح الشهادات يتوفرلهم أماكن تفتح نفسهم و ع الأقل لمبات كويسة يشوفوا بيها و كمان هالغى المدارس الحكومية العربى العادية و كله يبقى تجريبى لغات و كمان أكيد هاخد بالى ف قراراتى يعنى مثلاً السنة دى المدرسة كان لازم تبدأ بعد العيد و كمان هالغى كل المواد اللى ملهاش لازمة أو هاخليها مواد على جنب يعنىوجودها زى عدمه زى الرسم و التربية الوطنية و الفلسفة و التكنولوجيا و كل الحباشتكانات دى اللى ملهاش أى لازمة و كمان لما يبقى فيه تطوير مناهج أبداً أطوره من تحت لفوق يعنى أبدأ من الصغيرين مجيش للكبار بعد ما كانوا بياخدوا حاجة كده طول عمرهم أغيرها و أقولهم دى أحسن سواء فهمتوها أو لأ و كمان مقعدش أتشقلب ف المناهج و أغير ده و أشيل ده و أى كأنها وزارة اللى جابونى ووارثها فاطحن العيال و كمان أنبه على جميع المدارس إن أى مدرس عليه الإلتزام بجدول ثابت لأن العيال بيمشوا ضهرهم محنى من أم الشنط دى حرام يعنى هم مش حمير و كمان هامنع الضرب ف المدارس نظراً لأنى حولت كل الطلاب المشاغبين تعليم منازل فمفيش داعى للضرب أو للسباب وأى مدرس يخالف ده فمفيش تفسير غير إن قلة الأدب ف دمه و يعنى دى أبسط حاجات أنا ممكن أعملها.

طب لو كنت وزير الشباب هتعمل ايه

لا يا معلم انا اللى بقترح الوزارات

الوزارة اللى جاية واللى عاوزكم كلكم تقولو ارائكم لو كان واحد منكم وزيرها هايعمل اية هيا
وزارة الداخلية

عاوز اراء جامدة بقى من الكل

حرام عليك يا خالد انت ملقتش الا وزارة الداخليه شكلك عاوز تودينا فى داهيه اكيد مش هنعمل حاجة هى كده جامده اوى قول وزارة التعليم

احنا قولنا التعليم قبل كدة يا روفيدة ولو عندك اقتراحاتك انتى فى وزارة التربية والتعليم ممكن تكتبيها
بس فعلا اللى نفسى كل الاعضاء او اى حد يخش الموقع يقول راية فى وزارة فعلا فتبقى وزارة الداخلية .......

لا اقتراحى انهم يشيلو التعليم خالص ويريحونا يارب نخلص تعليم سلام بس انت عرفت حكايه اسلام اللى مات كل ده عشان احنا التعليم عندنا اسلوبه خطأ

يعنى انتى يا روفيدة عاوزة اننا نلغى التعليم خالص
والله اقتراح كويس .....انا موقعى بجد بيتقدم بيكم انتم وبفكاركم الجميلة دية
بس لو عاوزة رد فعلا على اقتراحك دة هوا..

لاتعليق

انا بهزر على فكرة بس التعليم بجد بتاعنا اسلوبه مينفعش خالص يعنى معلش مينفعش اللى حصل للتلميذ اسلام ماهو لما التعليم يبقى شعاره ان المدرس يقتل التلميذ يبقى ده لا تعليق عليه

طب لو كنت وزير التخطيط تعمل إيه ؟؟ (غير إنك تنط من بلكونة بيتكوا عشان تخلص من الورطة دى)

» ياترا انت فى ؟
» لعبة هتعمل اية بالفلوس دى
» شيرين - المرايه ( هتعمل ايه ) - ريمكس جامد جدا
» وزير التعليم يدعو لعودة الضرب للمدارس
» وزير الاتصالات: كابل مصري لـ الانترنت منتصف 2009