الحب مبيموتش ...............

الحب مبيموتش
الحب بيخليك تعيش كل لحظة وتموت فى كل لحظة
وبيموتك كل يوم بالحيا

البعد مبينسيش
البعد بس بيعذب
وبيصحى كل حاجة
ويخليها تبقى قدام عنيك
ماشية معاك
نايم صاحى بيها
الذكرى الحلوة جنب الوحشة
ولحظات القسوة قصاد الحنية

وانتا متمزع ما بينهم

من قدامك حبيبك ونار قربه

ومن وراك جحيم بعده

وانتا من يأسك مبقتش فارقة معاك
واقف بينهم محتار لابتقدم ولا بتأخر

وكمان للأسف

حبيبك واقف بردو مكانه

والبعد بيزحف ناحيتكوا ببطء
لحد ما يوصلكوا وياخدكوا فى دوامته

وتشربوا منه لحد ما يملاكوا من جوا
وتقتنعوا انه هو الحل الوحيد

ولما يجرف التيار كل واحد منكم فى طريق
وتظنوا انكوا خلاص افترقتوا

يبص كل واحد منكم جواه
يلاقيه بعد وهو شايل التانى فى قلبه
بيهرب منه ليه
وبيبعد عنه وهو ساكن فيه
وبياخده معاه فى كل مهرب بيروحله

وساعتها

تسأل نفسك
هو ايه اللى كان مفروض يتعمل؟

كان مفروض نمسك فى ايدين بعض ونجرى
نجرى بعيد عن طوفان البعد اللى بيمد ناحيتنا
نهرب من نفسنا لبعض ونتحامى فى بعض من نفسنا؟

ولا كان مفروض نفهم من البداية
ان الفراق قدر
والقدر مفيش منه هرب
وانه لو مجاش انهاردة كان هيجى بكرة

لانكوا ببساطة مش لبعض
فلازم تكووا الجرح بالنار وتدوسوا عليه
وتكتموا صرخة الالم عشان ما تفارق الحلق
وتستهزؤا بالعذاب والحزن

تقولوا لبعض بشياكة
( عادى ملناش نصيب)

ونودع بعض بردو بشياكة
ويمشى كل واحد فى طريقة
يخبقى دموعه بقى او يظهرها مبقتش فارقة
المهم انو يكمل
يكمل على فين .........مش مهم
لانو مش مهم خلاص انك تختار طريقك
امشى انتا بس والدنيا هتختارلك وتجيبك وتوديك على مزاجها
ليها حق طبعا

مش انتا اتنازلت عن اختيارك
يبقى استسلمها بقى وسبها هيا تختارلك

من بين اوراق يائسة

وليه يائسة يا رب دايماً يكون الأمل موجود فينا وفى اللى حوالينا