10 طرق للغلاسه علي المدام

الطريقه الاوله :: الصبح وانت رايح على شغلك وهى نايمه تعمد اسقاط اى شيء او اخبط الباب بصوت عالى عشان تصحيها هى كمان .. اشمعنى انت ولو حاولت ترجع تنام قولها مادام صحيتى حضرى الفطار بقى.
الطريقه التانيه :: اذا كنت بتتفرج على التليفزيون وهى عايزه تغير القناة قلها معلش الحلقة دى مهمة جدأ واحد صحبى شافها على قناة تانيه وقالى ان الحلقة دى هى المسلسل كله.. ولو كنت بتتفرج على ماتش كورة هيبقى الموضوع اسهل كل ما حد من اللعيبه يمسك الكورة قلها معلش ثوانى انا حاسس ان الكورة دى جون حتى لو كان حارس المرمى ماسك الكوره والماتش واقف لان فى لعيب مصاب .
الطريقه الثالثه :: اصحى يوم الجمعة بهما ونشاط وجهز الافطار لزوجتك بس متنساش انك تستخدم 15 طبقأ واكبر كميه من الملاعق والشوك و5 حلل من اللى عندكم فى المطبخ و10كوبيات لاعداد طبق بيض وسندوتش جبنه.. طبعأ يراعى ترك اثار سمنه على الارض مع ترك الثلاجه مفتوحه.
الطريقه الرابعة :: فى عيد ميلادها زينلها تورتة عيد ميلادها بخمسين شمعة ولو سالتك خمسين رغم عندها 20سنه بس؟
اتحجج بضعف الاضاءة فى البيت حتى لو عندك نجفه فيها 30لمبه مع ابتسامة صفراء خفيفه.
الطريقه الخامسه :: لو عامله ريجيم اجرى على السوبر ماركت ومحلات الحلويات واملى التلاجه شوكلاتة وحلويات وجاتوهات واستمتع باكل الجاتوه امامها.
الطريقه السادسة :: متنساش رايك فى طبيخها لو عامله لحمه قولها حلوة اوى الفراخ دى .. لو طابخه بامية قولها جميله اوى الملوخيه دى يا حياتى حطه عليها ايه؟
ولو عامله كيكة قولها انا بحب اشرب الشاىمع البسكويت الحلو ده؟؟
الطريقه السابعة :: لو طلبت منك تنشر الهدوم قولهاحاضر مع ابتسامه حنيه وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سالتك هو ايه اللى وقع ؟ اقولها كل هدومها اللى كانت مغسوله مع فرده شراب من بتوعك عشان متبقاش مقصوده منك.
الطريقه الثامنة :: لو قررت مسح الارضيه فى البيت حاول امك تروح وتيجىعلى المناطق المبلوله متحجج انك محتاج تتصل ضرورى بواحد صحبك ومره عطشان ومره بتجيب الجرنال ومفيش مانع انك تقول انك حاسس ان التليفون هيرن كمان شويه.
الطريقه التاسعة :: لو كانت مشغولة فى البيت او مع الاولاد وطلبت منك تغسل كوبيتين الشاى بتوع الصبح الموجودين فى الحوض ارجعلهاكمان دقيقه من دخولك المطبخ وانت ماسك كوباية من الاتنين وهى مكسوره واسالها فى كل براءة ارمى دى فين؟.
الطريقه العاشرة :: وانت قاعد تتفرج على التلفزيون وهى طالع عنيها فى تنظيف البيت وبعد ما تخلص وتيجى يدوبك تقعد تستريح جنبك بصلها وقولها حبيبتى معلش ممكن كوبايه مايه عشان ضهرى بيوجعنى.

ودى صوره الست بعد الدرس ده
10 طرق للغلاسه علي المدام E7G83468

لا و فى طريقة تانية جامدة ومجربة تصحيها و بعدين تسألها إذا كانت نايمة و لا لأ

زعلتينى أوى يا توته طب الولاد يحطوا موضوع زىده لكن ازاى انت تحطيه فين التعاطف يا توته مع البنا ت و السيدات وماتنسيش بكره يتعمل معاكى كده وهتبقىانتاللى اديتيه السلاح بإيدك اللهم بلغت اللهم فاشهد